8月15日十和田湖、奧入瀬溪流及星野奧入瀬溪流酒店


開始失憶,8月15日朝早起身,梳洗完喺石場旅館食早餐,有STAFF入嚟裝飯,知我哋唔食魚,最後仲換咗少少生果畀我哋。


然後出發去十和田湖,其實預咗唔會太多嘢睇,天陰陰。


途上嘅一啲風景,即使天陰,喺呢邊揸車依然舒服。


到咗個湖,有幾隻鴨仔,忍手唔改色,原圖上~


另一邊,亦有觀光遊覽船,不過今次冇搭。


出面嘅乙女の像,唔知點解出名,可能純地標。


向森林方向就係十和田神社,我呢啲俗人都係影吓相,買吓御守當手信。


好誠心求子女嘅人士~


嗱,樹呢就唔係度度有…尤其咁鬼大棵,所以喺青森見親都要影。就喺神社隔離。


中午就去返展望餐廳賣店,食個飯買吓無謂手信仔。我覺得叻咗㗎喇,近年去日本,好多嘢都忍到手,尤其得意小擺設類,都會買送咗畀人就算,自己可能整個旅程幾件,而唔係每個景點死都要買一樣。不過…可能雞髀仔已經幫忙做咗呢樣嘢,佢見乜就話買乜,結果,可能仍然係每個景點佢都有手信。盡量控制佢唔好買啲毛神神嘢。


天氣好的話,應該ok。


好早就離開十和田湖,向旅行重點出發。


開頭研究曬點泊車,點行,但實際上只要有避車位,又唔係泊太耐,都可以沿路停,行一陣揸一陣咁。


沿途即使只係溪流同樹、石之類,但地理位置唔同、水深唔同、陽光、植物之類,出嚟好多唔同效果。所以點行都影唔曬,enjoy吓就好,去到酒店有攝影師岩木登寫真集,全彩色百景書、植物圖鑑等等賣,唔貴,睇唔曬睇書就夠。原來冬天都有嘢睇呢,不過應該都未必會冬天嚟睇果啲紫色嘅果實。


只係揀少少放上嚟,呢個係其中一個出名嘅瀑布-雲井之滝。


又嚟到另一重點,全旅程最貴嘅星野奧入瀨溪流酒店,包一泊兩食。


Lobby設計都幾懷舊,當時都唔少國內人士CHECKIN,亦有STAFF識普通話,好似係,反正我唔會同佢講普通話啦。


CHECKIN略為特別之處,就係客坐喺SOFA,STAFF過嚟跪喺度幫你,咁山長水遠嚟到可以坐喺度等入房自然爽。


我哋房間直頭係LOBBY果層,對正賣店,出門右手邊直去已經係露天溫泉。係方便,不過都驚嘈,但好彩住呢間嘅似乎都相對靜。房間普通舒適,有張按摩椅,有幾罐蘋果汁同一啲蘋果零食咁。


都係LOBBY~


岩木登作品展~


晚飯同早餐都係APPLE KITCHEN。


蘋果全部都係蘋果~


仲有青森県難得見到嘅人山人海,又係果句,除咗相對地靜,國內人士喺呢度食嘢都相對地比較有禮。anyway,整體比例係日本人較多。


坦白講,質素其實唔係超好果隻,但都比一般好一啲,選擇唔係話好多,但夠。亦有蘋果汁任飲,蘋果軟雪糕、蘋果批等。滿足了~


食飽飽浸溫泉?係就係,不過做少少暑期作業先~ 哈哈。雖然係8月,呢度天氣算涼涼哋,所以呢晚印象中係幾舒服地浸咗個溫泉嘅。同事話,其實有得搭shuttle去遠少少嘅露天浸,不過佢話好趕唔relax,唔去好過去咁話,咁就算了,都懶得郁。


最後,有人又嘆按摩椅又宵夜咁,睇吓呢隻仔,真開心。

青山走犯大行動2018回顧

MAP 2018

小弟尋日約左幾個朋友由屯門碼頭行路去沙頭角,多謝大家留言支持(包括北區group好多素未謀面既街坊)。今日,趁身體回復正常,寫篇長文,抒發下感受。

6_2018

走犯前後總共玩了四次,上次由尖沙咀行路去落馬洲,當時回響都幾大,有幾間報館轉載,01仲搵我訪問,講下點解要咁痴線。好多朋友都問我為乜咁做,有咩大目標?點解唔玩盡啲,參加毅行?

5_2018

先答第一個問題。其實無架,唔似得跑超馬玩毅行,係為左挑戰人類(自己)極限。我搞既青山走犯,無咁遠大既理想,甚至無一個清晰而單一既目標,相反,係由無數小目標組成,主要如下:

1. 呃like(實不相瞞)
2. 自殺式減肥
3. 唔行唔知身體好
4. 重拾那些年尋幽探秘既童趣
5. 工作苦悶,想比啲挑戰自己
6. 約老友食飯聚舊年頭約到年尾都約唔到,不如玩大佢,引蛇出洞
7. 住係香港咁多年,原來有好多地方無去過
8. 發展巨輪停不了,有啲地方你而家唔睇,將來想睇都無得你睇

2_2018

輪到第二個問題:點解唔玩毅行?那不是更富挑戰性、更自殺式減肥、更新奇刺激過癮嗎?

其實小弟有行山習慣,大刀屻、雞公嶺視若等閒,但毅行真係無諗過,因為太辛苦,比賽11月舉行,提前半年備戰,即係成個夏天都要操山,我怕熱,更怕傷身,行山只求欣賞風景過下日晨兼順便鍛練下身體,毅行呢家野唔啱我!

3_2018

退一步講,就算我有心玩毅行,去邊度搵腳?我啲朋友十個有九個都唔行山,我一黎就叫佢地玩毅行,預早半年特訓,我肯定個個都怕左我,要同我割蓆絕交。

於是,我諗左呢個減辡版毅行,路程減半,大約50公里,由香港既一邊行去另一邊,主要係平路、村路,另加小量山路,都只不過係家樂徑既級數,老少咸宜。雖然我每次係FB開post招人,朋友第一個反應都係:「嘩,你痴L線架,玩啲咁既野?」但第二個反應可能係:「會唔會……其實……我都有可能行到?」

9_2018

我點知佢地有呢個反應?因為我好幾次和朋友見面,佢地都主動問我走犯既事(唔係我主動提起),話:「我有諗過報名架,但咁啱果日有事……」「終於等到你今次走犯經過我屋企,最衰我唔得閒……」「我有興趣!等我同老婆大人申請假釋先……(然後無回音)」

佢地原本無必要同我交代,但仍然咁講,有理由相信,佢地係有諗過join,只係因為種種因素而作罷。雖然係咁,每次走犯都有新朋友加入,由第一次最少既四人同行,到最多果次有十幾人(果次亦係最失敗既一次,因為我生水泡,劇痛難忍,最後以領隊身份中途取消活動),我就覺得,我既策略係正確既,即係諗一個表面上好似好瘋狂既玩意,但諗深一層,又發覺似乎係achievable,而且唔使花時間準備,毋須經驗,男女不拘,只要有手有腳,體格正常,就可以報名參加,得就得,唔得就中途退出,無損失既。

1_2018

當你厭倦左放假唔知做乜,出街無野好行,戲院無新戲上畫,食飯唔想排隊,我就同你講,不如係一年365日裡面,搵一日大家一齊拋妻棄子,出黎由朝行到晚,睇下風景吹下水,你當係聚舊又好、應酬又好、挑戰又好、散心又好,總之大家各有不同動機,卻向同一目標進發。玩完覺得OK,下年再join,唔OK既,再見亦是朋友。

言歸正傳(sorry,「前言」有啲長)。今次走犯,算係四次走犯中最成功既一次,但亦係最辛苦既一次,因為全球暖化,厄爾尼諾,走犯當日艷陽高照,氣溫(體感溫度?)高達30度,全程無遮擋,硬食,慶幸濕度不算高,否則更難捱。今次亦是第一次有女士(和她老公)挑戰全程,唔簡單呀,佢過左元朗都仲係著住件風褸,而我已經熱到想裸跑……。

10_2018

一開波有5個人,另有一人係青山醫院join。既曰青山走犯,難得路經屯門,自然要去發源地青山醫院打卡朝聖。其中一位隊友身體抱恙,仍堅持依約赴會,令人感動。期間與他閒談,得悉一件不幸消息,感同身受,衷心希望問題最終可以解決。對了,這也是走犯的意義所在,成日流流長,有足夠時間比大家分享近況,互相關心,一方有難,八方支援。最後,該隊友因體力不繼,中途退出(以他當日的狀態,行到那裡已經很厲害,如果係我,可能已經call左白車),無法齊腳完成,可謂昨日最大的美中不足。

還有一件關於他的事我想講,走犯得以持續舉辦至今,他功不可沒,因為他是三年前第一次走犯的第一個報名者,當時我預左無人報名(正常!),純粹搏一搏,二人成團,否則取消。他「自投羅網」,令我大喜過望,亦證明左呢個世界,癲佬唔止我一個。

講番尋日。之前三次走犯,均採取前快後慢的策略,上午爭取時間給下午休息,但今次一改策略,全程均速,以致上午嚴重超時,最多比預計慢兩個鐘!幸好下午預得比較鬆動,追回不少時間。

11_2018

路線方面,我刻意避開青山公路的廢氣,由元朗起,以迂迴方式先入錦田河,經錦繡入牛譚尾村,路經新田軍營,再沿風光明媚的新田村路往落馬州,吃了一頓不過不失的午餐,再沿同樣風景優美的邊境路向羅湖進發,上華山,正值日落,晚霞初現,山路行了一半已全黑,夜行是另類體驗,講鬼故是指定動作,正!落山後接沙頭角公路,愈入愈僻靜,體力亦下降得愈快。腳再痛,也不及屎忽痛,因為屁股兩團肉磨擦了一整天,磨到損晒(反而十隻腳趾預先包膠,逃過一劫),痛到連步姿也受影響,唔講人地仲以為我生痔瘡。

呢個時候,隊伍分開前後,兩夫婦一馬當先,走犯順便談情,我地三人墮後,一個屎忽痛,一個腳板痛,一個周身痛。三個老野行到面無人色,跟附近的環境十分配合。兩夫婦愈行愈精神,女士更邊行邊跑,聲稱可以拉鬆肌肉,我才不信,我怕屁股磨到見骨!那位女士是是巾幗英雄,也是沙頭角人,可能家在眼前,行得寧舍興奮。我地三人則沉默是金,她反過來鼓勵我地,快啦快啦,終點在望,明明我才是領隊……無所謂啦,最緊要行到終點,不忘打卡留念,呢張卡,有血有肉,唔打對唔住自己呢!

7_2018

最後我想講。香港雖小,其實仲有好多有趣的地方等你我去發掘,把每個地方都行一遍,睇一次,即使他日香港面目全非,還可讓記憶長留心中。呢個就係我所謂的:青─山─精─神,共勉之!

又最後,下年暫定由屯門碼頭行去西貢碼頭,中午在深井食燒鵝,夜晚在西貢食海鮮,走犯食好西,約定你!

繼續閱讀 “青山走犯大行動2018回顧"

給小兒上的第三堂國民教育課:給成年人補課

今堂是第三堂的延續,故稱補課。

上回講到國慶,中國本無國慶(一如國旗、國歌),國慶是由西方傳入,而西方的國慶是紀念國家大事,例如以色列的復國、美國的建國,還有法國的大革命。按此定義,中國的國慶應該是何年何月?又是慶祝甚麼?

今天是雙十國慶,大家都知是甚麼一回事。昔日青天白日滿地紅的調景嶺早已面目全非,而粉嶺聯和墟以往年年都掛大紅花牌慶祝雙十節,今年也取消了,似乎香港也像昔日的調景嶺,慢慢變樣。

撇除政治不論,雙十是慶祝甚麼?要知道,那是紀念武昌起義,而武昌起義是辛亥革命的開端,最後成功推翻滿清,驅除韃虜,恢復中華,並為千年帝制劃上句號。

朋友,你認為上述一連串的事件重要嗎?推翻滿清或許沒有甚麼大不了,但恢復中華卻是天大的大事,因為滿清是外族,是韃虜,故有所謂驅除之說,套用現在的話,叫「驅蝗」。明亡於清,等於亡國,只是國民仍可在本國居住,中國文化亦大致得到繼承,故國民自欺欺人,不以亡國奴自居,甚至把滿州人(甚或昔日的蒙古人)視為自己人。反觀以色列,自從亡於巴比倫後,國土被佔,國民流離失所,部份被擄至巴比倫為奴,部份逃至別國隱居,如是者二千年,至1948年才復國。

中國的情況雖有別於以色列,但被外族統治是鐵一般的事實,亡國之說是有根有據的。故雙十的意義,在於復國,即恢復中華也。

而結束千年帝制,意義堪比法國大革命。當然,中國至今仍無民主,但那是共匪的錯,台灣一早已經有了。不要忘記,波旁王朝滅亡後,法國也經歷了漫長的恐佈時期,無數異己被革命英雄羅伯斯庇爾送上斷頭台,最後剃人頭者人亦剃其頭,他自己也命喪斷頭台。後來法國先後出現了拿破崙稱帝、波旁王朝復辟、拿破崙復辟、七月王朝、第二共和、拿破崙三世稱帝、第三共和、維希政權、第四共和,直至第五共和建立後,法國政局才穩定下來。

可見帝制覆滅,往往是一夕之間,但走向共和,卻是既漫長又荊棘滿途。若非共匪竊國,台灣的民主會否在中國開花結果,誰也無法預料。所以,我們不能以中國至今獨裁依舊,而否定雙十的意義。

若要選國慶的日子,雙十是必然之選,不是因為我親台或我仇共,我是客觀而論,對事不對人。我問你,十一國慶的意義在那?那只不過是政權更替。國民黨再腐敗,始終是中國人。民國年代,中國並非處於亡國狀態,又何來共匪的「建國」?「開國大典」又是甚麼鬼東西?難度他日支爆,國慶又要從新計算?為甚麼Donald Trump擊敗了希拉莉、趕走了民主黨,美國不是第N次建國?是因為共匪首次引入社會主義,建立了中國有史以來第一個「無產階級政權」,所以叫「建國」?若如是,那改革開放後,改行資本主義,中國再沒有「無產階級」(只有低端人口),又是否亡國?

看到嗎?不論你怎樣說,十一國慶也是說不通的,除非你公開承認,黨國一體,朕即國家,愛國等於愛黨,共匪當國,好比帝制復辟。我縱然不屑,也配服你的坦白和勇氣。