人間白老鼠之EMS Training@BodyExpress


由於越嚟越肥,頂自己唔順,咪google吓personal trainer諗住做返運動。
上上星期走咗上BodyExpress試玩,wow,覺得好掂呀。

首先,咩係EMS training?自己睇
quote佢:
原理
最初 EMS (脈衝電流刺激訓練)被 NASA 運用在太空人進行太空探索時的肌肉訓練,在無重力環境下,肌力相對流失更快,必須透過高科技強化肌肉。
模擬人體大腦生物電信號,將信號級中低頻率脈衝電流通過汗腺導入技術傳輸到運動神經。
調節肌肉收縮強度 、時間和規律等,指揮同組肌肉群協同工作。
發展肌肉力量。
幫助改善肌肉軟組織傷病。
減脂塑型。」

咩掂?先嚟做過分析…唉唉唉:我屋企個Tanita脂肪磅長期冇偷懶,一直話我知我脂肪比率已達恐龍級數,今次更加事實擺在眼前:

慶幸仲合格,但年紀大機器壞,瑜伽又就唔到時間,近來先每日做幾分鐘plank。肌肉流失啦,脂肪積聚啦,我連BEFORE AFTER果張BEFORE相都唔想影上嚟,必須減fat操肌肉,練到馬甲線再post。

另,muscle-fat analysis 我而家係C,希望練到D,即增加肌肉減少脂肪。

咁能夠斷症啫,係咪可以下藥呢?
同網上睇嘅一樣,要除曬衫包括內衣褲換咗佢套黑色Trek Suit,再著件濆濕水通電外套,企上部機學Basic Squat,我真係做過瑜伽連無影凳都坐唔好。

部機可獨立調校每個位置電流:


小鮮肉靚仔教練(佢嘅身體分析攞成90分,體脂肪得11%)就按照最基本呢啲動作,不斷教同鼓勵我做(其實係虐待…佢好啱做)。電流嚟4秒停4秒,感覺似睇龍珠果啲重力訓練,幾分鐘開始索氣,流汗,然後肌肉一如佢所講痛咗3日。由於網上睇研究話train muscle快見效又近office,啱我呢啲要返屋企同仔做功課,又join咗。(基本上我好易Sell,而佢哋直頭唔Sell,Nice。)

今次再裝埋呢個MY NET DIARY控制卡路里吸收。上星期五去第二次,之後book定routine一星期兩次。教練講過,就算唔講都知,齋train muscle唔控制diet唔會瘦,今朝磅重,輕咗係預料之內,竟然連脂肪比率都下降埋(都唔知幾耐冇見過…),實在太滾動喇 TT,(wordpress點解冇EMOJI)希望今次唔好三分鐘熱度啦。(衰格地畀咗錢係好啲!)

人間白老鼠之EMS Training@BodyExpress” 有 3 則迴響

  1. https://hk.news.appledaily.com/breaking/realtime/article/20181203/58986530
    【預繳陷阱】Body Express健身店突全線停業 200顧客恐無法退款
    【19:58更新】Body Express傍晚時份向客戶發出WhatsApp信息,指公司並非結業,強調尖沙嘴的分店仍會繼續營業,並就發放的信息混淆一事向會員致歉。
    相關新聞:【預繳陷阱】健身室創辦人蔣霆是傑出競速機師 首位港人贏Red Bull飛行大賽

    以「電擊肌肉刺激法(EMS)」作招徠的健身店Body Express據悉有近200名客人,但該公司三間分店今日突然全部停業,有健身教練稱未能聯絡上老闆。雖然有職員指相信其中一間尖沙嘴分店仍會繼續營運,但有已預繳了逾萬元服務費的女顧客指近日收到教練WhatsApp通知,指連職員也無法聯絡上老闆,令她擔心健身店會結業令她已預繳的服務費血本無歸,她指會向消委會投訴,又促當局保障消費者權益。
    Body Express約於2016年成立,高峰期有五間分店,但近日只餘下尖沙嘴、銅鑼灣及灣仔三分店,它以「電擊肌肉刺激法(Electrical Muscular Stimulation,EMS)」及「一對一健身指導」作招徠。會員一般至少需付約一萬元預繳費用,以換取20多節每節20分鐘的健身堂,教練會為學員穿上接駁了電極的運動服,然後指導學員健身,其間會有電流通過以刺激肌肉。據稱通過上述電擊肌肉的方法,令到學員只要健身20分鐘,即可得到等同傳統健身60分鐘的減肥及操練效果,故頗受歡迎。
    相關新聞:【預繳陷阱】健身中心投訴今年勁升1倍 消委會留意Body Express事態發展

    但綜合職員及顧客所述,疑由於租金昂貴等因素,公司今年初起營運有困難,本來公司有十多名教練及職員,但陸續有人離職,現僅餘不足5名教練及餘下3間分店,已預繳客人疑有約200人。顧客李小姐稱,今年較早前試堂時覺得教練及公司器材都不錯,於是付出了約一萬元預繳費「買堂」,但其後發覺越來越難預約時段上健身堂,她在尖沙嘴的教練亦疑劈炮,她唯改往銅鑼灣上課,現仍餘下約一半已預繳費用的健身堂未上。
    未料近日有教練WhatsApp短訊給他,指銅鑼灣及灣仔分店今日起會停業,教練會聲稱同樣找不到負責人(疑是外籍國泰機師),對此表示歉意。李小姐對此感到無奈,致電公司欲要求退款卻發現無人接聽,她指已向消委會發電郵,稍後會正式投訴,她希望當局能加強監管預繳式消費如健身及美容業,例如規定預繳服務費要存放於特別戶口及受到監管,以加強保障消費者。
    記者昨日及今日曾先後到Body Express三分店視察,發現均已暫時停業,灣仔分店部分公司器材如洗衣機更已有保鮮紙包起,相信稍後會被搬走。
    Body Express現時股東是英屬處女島公司,實際股東未明,但它2016年成立時,創辦人是香港著名競速飛行運動員蔣霆(Kenny),他曾經是公司的董事兼股東。雖然現時按公司註冊紀錄他和Body Express已沒有關連,但有教練懷疑Kenny與公司仍有關連,至於公司現時的老闆即外籍國泰機師則去向不明。
    今晨三名健身教練曾往灣仔分店,有教練指公司欠他數萬元欠薪及遣散費,三人當時曾與蔣霆(Kenny)會面。記者上前查詢時,蔣聲稱「老細(闆)走咗佬」,一度拒絕受訪及拍打記者鏡頭,又一度報警。記者堅持在場守候,其後蔣終願受訪,他強調很早之前已經退股,故現時與公司已沒有商業關係,他只是普通顧客,而今晨他確曾與屬朋友關係的教練商談。蔣霆聲稱據他了解,Body Express不是結業,只是銅鑼灣及灣仔分店會關門,但尖沙咀分店相信仍會繼續營運。不過記者今晨前往尖沙嘴分店,發現同樣無人辦公,按門鐘亦無人應門。

  2. https://hk.news.appledaily.com/local/daily/article/20181204/20560897
    電擊健身 Body Express三店停業 
    傍晚發通告︰尖沙嘴店將重開
    【本報訊】以「電擊肌肉刺激法」(EMS)作招徠的健身中心Body Express的三間分店,昨突然全部停業,令人關注約200名已預繳健身學費的顧客會否退款無門。雖然公司昨傍晚強調尖沙嘴分店仍會繼續營運,但有已預繳了逾萬元服務費的女顧客指近日收到教練WhatsApp通知,指連職員也無法聯絡上老闆,她擔心健身店可能會結業,令她已預繳的學費血本無歸。女顧客會向消委會投訴,並促請當局力加強監管預繳式消費。
    記者︰徐雲庭 謝頌昕 溫文學
    相關新聞:創辦人飛行賽屢奪獎

    高峯期曾有五間分店的Body Express,但近日只餘下尖沙嘴、銅鑼灣及灣仔3間分店,會員一般需付約一萬元預繳費用,以換取20多節每節20分鐘的健身堂,教練會讓學員穿上接駁了電極的特殊運動服,然後指導學員健身,其間會有電流通過以刺激肌肉。據稱通過電擊肌肉,令學員只要健身20分鐘,即可得到等同傳統健身60分鐘的減肥及操練效果,故頗受歡迎。
    【創辦人發惡】蔣霆昨現身灣仔分店,被追訪時拍打記者鏡頭。
    【創辦人發惡】蔣霆昨現身灣仔分店,被追訪時拍打記者鏡頭。
    200客退款無門
    該公司原有十多名教練指導已預繳學費的約200名顧客,但疑因租金昂貴及營運困難,不斷有人離職。顧客李小姐稱今年初在尖沙嘴試堂時覺得教練不錯,遂付出一萬元預繳學費買堂,豈料其後發現越來越難預約時段上課,她被迫改往銅鑼灣上課,未料近日有教練WhatsApp她,指銅鑼灣及灣仔分店昨日起會停業,教練更指連他們也找不到老闆,對此致歉。李小姐憂公司會結業遂曾致電欲退款卻無人接聽,故將向消委會投訴,她望當局能加強監管預繳式消費,例如規定預繳的服務費應要存放於特別戶口及受監管。

    記者昨發現Body Express的三間分店全部停業,灣仔分店內的洗衣機更已用保鮮紙包起,料會被搬走。員工指現時公司老闆疑是一位外籍國泰機師。而公司2016年成立時,創辦人是本港著名競速飛行運動員蔣霆Kenny,他至近日仍偶爾在公司現身。

    記者昨在灣仔分店見到三名教練上門與蔣霆商討,有教練希望公司清還數萬元欠薪及遣散費,但記者查詢時蔣聲稱自己不是負責人,「老細走咗佬」,他更曾拍打記者鏡頭及報警。

    蔣後來終願受訪,他強調自己很早之前已經退股,故與Body Express已沒有商業關係,他只是普通顧客,只承認昨上門的教練是他的朋友,蔣又指據他所知只是銅鑼灣及灣仔分店會關門,尖沙嘴分店會繼續營運。

    Body Express傍晚向客戶發出的訊息同樣強調尖沙嘴分店仍會繼續營業,並就訊息混淆一事向會員致歉。

  3. 忽然成了苦主,(._.;) join咗最多嘅78堂plan,上咗20堂左右。

    禽日打過去消費者委員會,佢話如果公司執笠呢,佢哋冇嘢可以做,最多幫你做個紀錄,話係消費者最多最多係公司清曬盤仲有錢剩先有機會獲賠。不如試吓問銀行可否charge back。

    我7月4日join,打去銀行,銀行話60日內可以銀行名義代為追討,但由於過期太耐,冇法,只能尋求其他途徑。

    打埋去海關舉報,海關話多謝我嘅資料,只會刑事執法,懲處犯罪人士(如有)。

    我join果刻都問埋trainer會唔會執笠,佢當時話soho舖啱啱先續…點知兩、3個月就close埋,連trainer都似受害人,冇法,又只能當買咗教訓。同時亦希望間公司仲會維持一段時間理吓啲舊客,畢竟…200人,每人一萬,200萬keep一個office,現有設施同一個trainer…唔係咁難嘅事啫。

    兼且,其實我覺得部機有用架,對我呢啲懶人,上一兩個星期上in body磅,muscle mass over 20kg 喇,兼fat %仲係34, 5個%,我戒口太唔全面(自己想減肥戒的,唔肯跟營養師,亦成日放肆食甜同炸…)

    https://www.antelope.club/
    好,之後再研究~
    錢<>辛勞<>時間<>FIT
    點先算等價交換呢?

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s