拉茜與伽俐略

拉茜於星期六下午返新家,在我這個「車神」亂舞下居然很乖很安靜。

主人我好像還未準備好似的,拉茜太小又未打齊針。前主人YY告訴我還是先用籠放室內吧。好,如是者神經犬拉茜和神化貓伽俐略就相遇了,不知何故拉茜居然「胡胡聲」,伽俐略就「嘶嘶聲」。初步估計,牠們似想角力多於交朋友呢。我買了水兜連食物兜,但似乎太大不方便放於籠。又忘記自己有磅,一次過餵了和給伽俐略份量差不多的糧,浸軟了給拉茜吃。牠食飽還意猶未盡。

結果,食了比平常多兩倍的份量。之後兩餐都不肯食,便便正常,整晚不斷哀鳴,我還以為牠是鬧情緒。到星期日朋友到訪半天後,牠依然茶飯不思,難道這麼快便學人單思病?無辦法,唯有急電YY求救,他們兩夫婦二話不說,立即駕車到來視察。他們未到之前,我嘗試用手逐粒餵,咦,拉茜又肯食噃。到YY到時,拉茜撒了一團鼻涕似的糞便,原來真是食滯。

dog shit

(今日YY告訴我,經朋友診斷那些是腸壁液。)十分佩服他們對便便又觀察又聞又拍照幫我問人,這種「售後服務」真的超出預期。可惜他們不是真的繁殖者,其他想要小狗的朋友沒福了。拉茜出了一點,肚內多了少少空間,又見到前主人,即時生猛,完全沒事狗一樣。好彩。

galileo sleep

經過一日辛勞,薯便實行他的古典音樂馴獸法,成績有目共睹,希望不只是剛巧遇著牠們睏。今天拉茜還是叫過不停,YY教我可能是牠精力過剩,果然,由牠出來上梳化跑一會便乖乖睡了。最初我因為牠還不能到地上跑,忘記了要給牠運動呢,果然我這新手真的準備不夠。想像的和實際有出入,預備了的小狗用縄對拉茜來說仍是太鬆。但剛剛和牠玩拋波遊戲,竟然成功取回3次,真的喜出望外了。薯常說貓貓好,但我覺得狗狗是另一種交流方法。現在首要任務,就是要教曉牠我的手不是牙痕時的磨牙工具。;p

Lassie Play

Chinchilla Pair

題外話,很多朋友擔心龍貓是否用來餵貓了。哈,當然不會,但牠們已經移居室外,避免和貓狗有衝突是真的,因為對貓來說,牠們是上佳獵物啊,一不小心弄傷了就弊。這個位上面是隔熱蓬,下面就是渠,包圍蚊帳,盛夏仍有風,相對關在不開冷氣的房內舒服多了。係咪呀?guet o野同玲o野。guet o野做乜搵個pet對住我?

伽俐略返家

Galileo 1

各位好,我係伽俐略,我來自hk cat city,上星期終於來到薯淘家。

Galileo 2

我食得瞓得玩得,最鍾意指使淘幫我清理貓砂、煮飯過我食。呢個工人算係咁啦,所以我無聊時都鍾意幫佢按摩,最鍾意佢身上多肥肉,左一腳牙右一腳,佢似乎好受落,我又踩得幾舒服。薯就成日掛住寫文,唔理人,所以我都費事理佢。

Galileo 3

嗱,你記住我Breeder亞Ray講過,我要成日飲乾淨食水,朝早勉強同你哽吓乾糧,夜晚要食鮮肉腸或者其他罐頭濕糧。最好就有烚雞肉鱈魚肉啦。仲有,唔少得super fat 營養粉、鈣粉、美毛粉。貓砂用兩大袋濕水會變固體果種放落砂盤就ok,我會自己識去方便,記住每日同我清理呀。有眼屎就用濕毛巾幫我抹吓,怕我蛀牙就要滴牙水。個零星期你怕我抓親你就同我剪吓指甲,小心咪剪到我留血呀吓。仲用棉花棒同洗耳水幫我抺吓耳仔,但唔好用水喎,試過有同類因為耳仔入水發炎醫唔好而死。仲要用紙巾同我清咗肛門腺d分泌物出嚟。我唔鍾意濕水,兩三個星期用枝專用乾洗沖涼液幫我抹吓就ok。不過其實我本來就係愛乾凈o既動物,就算兩三個月唔沖涼,而薯淘家有成日拖地的話,都唔會好污糟。另外,每個月要用一枝revolution幫我除蚤殺心絲蟲之類。之前打咗3針預防貓瘟、病毒性鼻氣管炎同卡他性病毒,但仍然要每年補一針。新屋企有晒蚊網就好,如果唔係我得閒離家出走你咪怪我。我係高貴愛自由o既靚女,唔會俾你用繩綁住。魚缸最好關好,我唔保證隨時肚餓拎d魚仔醫肚o架。

係咁上下啦,有乜我會再通知你喇,你返去等消息啦。

神貓伽俐略

家族又添一名新成員:

SNC17682

hello,

我係5月1日出世o既玳瑁重點色英國短毛貓,右邊紅重點呢個係我哥哥,我係囡囡。禽晚薯淘嚟探我,本來薯鍾意貓,淘鍾意狗,淘只係睇顏色就想揀d細我一個月o既三色或藍虎紋朋友。我咁靚女兼有氣質,冇可能輸俾d o靚模,唔係,係o靚妹gama,惟有施展渾身解數,任摸任抱兼咕咕聲,再表演跟住laser pointer紅光扮搖控車絶技,首先奪取薯的歡心。再响d o靚妹仔唔熟性走嚟走去時攝位黐埋淘身,係喇,摸吓啦,你就會發現一個完全唔怕陌生人o既高貴小姐係幾咁得人鍾意。

結果,我成功搵倒新主人,薯仲一直笑咪咪,好似執倒金咁樣。淘就玩到唔記得幫我影吓相,仲係都要塞伽俐略呢個名俾我,我明明係小姐嚟。算啦,豪俾你,反正我都係一個冷靜又聰明絶頂o既小姐,個名都算襯得起我。我8月17打埋第3針就會返薯淘家,你o地嚟開我就係咁咦應酬吓啦,gooday。