旅遊

18年8月15日十和田湖、奧入瀨溪流及星野


斷咗,不過填少少記憶啦。十和田湖真係唔太記得,有少少雨,大風,睇咗陣湖、船、鴨仔同少少手信。


神社OK古舊,又例牌買啲平安嘢~


有舊求子木,薯叫我唔好咁衰咁樣影人,不過係幾搞笑,又睇唔到樣。


然後望住湖景食咗個好普通嘅晏。


跟住就去行青森另一大景點奧入瀨溪流,沿溪不少靚景植物,應該都唔少昆蟲雀,不過我哋自然冇咁好心機。係啲日本小朋友真係會拎住本圖鑑慢慢認。


見唔少人都係沿溪泊低行一陣返轉頭咁,所以我哋都係咁大大概概行曬啲覺得比較特別位置就算。


空氣自然好好,即使喺正馬路旁。


感覺上嚟青森係洗乾淨個肺,行到酒店。呢度其實唔算豪華,不過喺咁偏僻嘅位咁大工程咁先進嘅設施,感恩。


印象中日本咁多間酒店係得星野會你坐喺梳化,佢啲staff埋嚟同你CHECKIN。


亦係少數有人幫你推行李的,anyway,我哋房喺正大堂同層兼賣店隔離,轉右直去就係溫泉喇。日本人唔嘈嘅,ok方便啦。


房間舒服嘅,有張唔知點解雞髀勁like嘅按摩椅。


有零食同蘋果汁招呼,又有關於奧入瀨嘅書睇,最後我都有喺賣店買奧入瀨百景同樹木圖鑑。


我哋個窗右手邊望過去其實就係lobby,成間resort唔算太大。


當日有攝影展。


晚餐早餐都係呢間蘋果餐廳buffet。


係估佢唔到都幾熱鬧嘅。


至於食物質素…就係有眼見到嘅樣樣都一般。不過呢度真係冇乜選擇。


青森蘋果批同青森軟雪糕,依然普通,唔可以補返啲分。anyway,飽肚嘅~


雞髀仔最爽就梗係食完飯,做完暑期作業,浸完溫泉再嘆蜜瓜(薯去到邊個超市都會入貨)同按摩椅啦,咁又一day。下篇可能下年先寫。哈哈。

旅遊

2019年7月9日至20日茨城栃木群馬長野埼玉遊

上篇遊記呢…哈哈哈哈~

7月9日
CX0500 15:10 香港 至19:30 成田(ASIA MILES成年前換)
成田日航酒店過夜

7月10日
酒店早餐
ABC RENTAL取車 0476-33-0356

個半鐘至國營常陸海演公園睇花 029-265-9001


個零鐘至宇都宮城遺址公園 收7點 028-632-2529
睇完食餃子啩


然後揸50分鐘左右住日光市交流促進センター 風のひびき3晚

7月11日-12日

日光江戶村 0288-77-1777
鬼怒川Line下り 0288-77-0531
東照宮 0288-54-0560 白糸之滝
慢慢搵

7月13日

朝早出發去伊香保おもちゃと人形博物館 0279-55-5020、石段街、


頭文字D秋明山5連髮夾彎,實際上係榛名山4連髮夾彎
是晚住ステイビューいかほ

7月14日

早上出發去草津湯畑

然後中途經上田市行個超市食個LUNCH
ファーマーズうえだ店 0268-27-5580


然後去松本城
是晚住ホテルトレンド松本 0263-32-1430

7月15日

松本市至霧ヶ峰、八島ヶ原湿原、車山
車山高原スカイパークホテル0266-68-2221

7月16日

輕井澤,唔住星野太貴,住兩晚PRINCE WEST COTTAGE,行outlet

7月18日

由輕井澤返川越,繼續住兩晚prince,期間要去飯能姆明公園同行吓小江戶。

7月20日
然後還車,夜機坐返cheap flight…
UO651 21:30成田01:20香港

再慢慢補充

用家評論 · 旅遊

8月15日十和田湖、奧入瀬溪流及星野奧入瀬溪流酒店


開始失憶,8月15日朝早起身,梳洗完喺石場旅館食早餐,有STAFF入嚟裝飯,知我哋唔食魚,最後仲換咗少少生果畀我哋。


然後出發去十和田湖,其實預咗唔會太多嘢睇,天陰陰。


途上嘅一啲風景,即使天陰,喺呢邊揸車依然舒服。


到咗個湖,有幾隻鴨仔,忍手唔改色,原圖上~


另一邊,亦有觀光遊覽船,不過今次冇搭。


出面嘅乙女の像,唔知點解出名,可能純地標。


向森林方向就係十和田神社,我呢啲俗人都係影吓相,買吓御守當手信。


好誠心求子女嘅人士~


嗱,樹呢就唔係度度有…尤其咁鬼大棵,所以喺青森見親都要影。就喺神社隔離。


中午就去返展望餐廳賣店,食個飯買吓無謂手信仔。我覺得叻咗㗎喇,近年去日本,好多嘢都忍到手,尤其得意小擺設類,都會買送咗畀人就算,自己可能整個旅程幾件,而唔係每個景點死都要買一樣。不過…可能雞髀仔已經幫忙做咗呢樣嘢,佢見乜就話買乜,結果,可能仍然係每個景點佢都有手信。盡量控制佢唔好買啲毛神神嘢。


天氣好的話,應該ok。


好早就離開十和田湖,向旅行重點出發。


開頭研究曬點泊車,點行,但實際上只要有避車位,又唔係泊太耐,都可以沿路停,行一陣揸一陣咁。


沿途即使只係溪流同樹、石之類,但地理位置唔同、水深唔同、陽光、植物之類,出嚟好多唔同效果。所以點行都影唔曬,enjoy吓就好,去到酒店有攝影師岩木登寫真集,全彩色百景書、植物圖鑑等等賣,唔貴,睇唔曬睇書就夠。原來冬天都有嘢睇呢,不過應該都未必會冬天嚟睇果啲紫色嘅果實。


只係揀少少放上嚟,呢個係其中一個出名嘅瀑布-雲井之滝。


又嚟到另一重點,全旅程最貴嘅星野奧入瀨溪流酒店,包一泊兩食。


Lobby設計都幾懷舊,當時都唔少國內人士CHECKIN,亦有STAFF識普通話,好似係,反正我唔會同佢講普通話啦。


CHECKIN略為特別之處,就係客坐喺SOFA,STAFF過嚟跪喺度幫你,咁山長水遠嚟到可以坐喺度等入房自然爽。


我哋房間直頭係LOBBY果層,對正賣店,出門右手邊直去已經係露天溫泉。係方便,不過都驚嘈,但好彩住呢間嘅似乎都相對靜。房間普通舒適,有張按摩椅,有幾罐蘋果汁同一啲蘋果零食咁。


都係LOBBY~


岩木登作品展~


晚飯同早餐都係APPLE KITCHEN。


蘋果全部都係蘋果~


仲有青森県難得見到嘅人山人海,又係果句,除咗相對地靜,國內人士喺呢度食嘢都相對地比較有禮。anyway,整體比例係日本人較多。


坦白講,質素其實唔係超好果隻,但都比一般好一啲,選擇唔係話好多,但夠。亦有蘋果汁任飲,蘋果軟雪糕、蘋果批等。滿足了~


食飽飽浸溫泉?係就係,不過做少少暑期作業先~ 哈哈。雖然係8月,呢度天氣算涼涼哋,所以呢晚印象中係幾舒服地浸咗個溫泉嘅。同事話,其實有得搭shuttle去遠少少嘅露天浸,不過佢話好趕唔relax,唔去好過去咁話,咁就算了,都懶得郁。


最後,有人又嘆按摩椅又宵夜咁,睇吓呢隻仔,真開心。