20180812-13 香港至青森日記


事前準備係藍十字,今年保費貴咗啲。8月12日下午4點零鐘到機場Terminal 1 接機大堂A16 counter攞WIFIBB蛋,點解用佢,純粹鍾意試嘢。今次減到137蚊10日,so far so good,掋玩。不過論方便,始終用sim卡好,唔使又多樣重嘢又要叉電又要按金1K,下次會試自由鳥遨遊SIM


正想話wifibb個map其實唔太清楚,去到都要搵,諗住搵個香港機場map方便大家,唔搵尤自可,一搵真係把幾火,要幾難睇有幾難睇,紅圈位置我估係啦吓,有錯唔好打面。


時間尚早,自然去lounge觀光一吓,話說我拎住張priority pass幾年都冇乜點用,呢個喺terminal 2嘅lounge係第一次。


然後估唔到咁啱撞到同學仔嚟開機場~


坐UO622 18:05 香港 至23:15 羽田,自然地delay你啦,hkexpress app係冇提的,只有機場app有。(另,hkexpress web page做唔到online checkin,唔知點解,但佢個app又可以,跟住發現有做internet checkin條隊短好多好多,而且快好多~)


又係遠到喊嘅202出發,不過雞髀仔開心,亞媽就開心~


唔知佢delay,事先叫咗2個焗豬扒飯,1個牛肉飯,係size細少少,味道出奇地唔差。


用嘅係HK Express U-FLY,估佢實DELAY架喇,諗住懶醒book機場入面酒店,點知低b的我冇諗清楚,第一次羽田落機,book咗國內機terminal 2 間東急excel,之後自然要等shuttle轉返去國際幢。人行要30分鐘呀,唔好學我咁豬兜,要BOOK都要ROYAL PARK呀。豬兜的事陸續有來~


睇乜都冇用,去到都成點,乜SHUTTLE都冇曬。


唔講唔知,以往的士明明600-660起跳,上車竟然490,司機話年半前左右只係減個minimum,過咗個費用就不變,最後搭咗2250YEN由國際幢搭返去酒店。


酒店正常開到喼,補眠一陣冇要求。

8月13日

由於飛機又冇JR PASS咁掋,但佢預約席又低B地只能早一晚9:00PM前人肉出現去攞飛,咁結果就梗係要一朝早去排隊。而國內機TERMINAL 2係冇得換PASS的,又要搭返shuttle bus去國際幢喇。然後…


開6:45AM,7點到已排長龍,條隊企10分鐘都冇郁過,仲寫明只能換PASS,不能BOOK車位,建議你搭去MONORAIL總站浜松町就可以訂埋預約席云云(留意JR PASS包埋MONORAIL的,咁而家就要自費位位490搭去浜松町)


懶得又排多次隊,於是自費…7:35左右去到就發現佢係開8:00AM嘅,HOMEPAGE有講,但我本來冇諗住喺度換嘛。咁咪再自費搭去東京站,山手線啫,3條友比多幾百YEN好過咁遲。


終於到,東京站人都唔少,諗住又瀨嘢,但好在效率唔低,我哋趕到JR東北新幹線 はやぶさ5号 新函館北斗行(8:20am),只可惜遇啱8月13日-19日的お盆,全日FULL咗只可以企位。


正式悶到抽筋…係悶到拉筋,車上有嘢食嘢飲醫肚有廁所。


連呢啲都影?係,資訊是我的賣點,哈哈。


到喇,早排係睡魔祭,所以周圍都係呢啲嘢~


日航酒店放低嘢,跟住仲有時間。


補:日航酒店啲guide booklet其實做得幾靚幾唔錯,禽日睇返酒店外面呢舊嘢,原來係1984年青森嘅水喉水係全國最好飲攞奬,德國雕塑家Gerd Knapper造嘅紀念碑。(入面仲有介紹歷史、輕津工藝等,我哋呢啲淺度急行遊~哈哈)


行經物產館,去車站食嘢。


睡魔之家


好一般~


食完喺青森站訂埋之後嘅指定席,有得坐喇。


跟住搭青い森鉄道去浅虫溫泉站嘅浅虫水族館,係個好偏僻嘅地方,唔好以為有條溫泉大街。


買咗3館共通券~


水族館比想像中嚟計都唔算細同幾多嘢睇,又有採珠體驗同好近睇到海豚。


大概4點回程,鄉郊嘅風景~


青森車站又唔少歷史照片。


跟著梗係忍唔住試蘋果批。


蘋果,周圍都係蘋果。


八甲田丸係架退役嘅青(森)函(館)連絡船


入面有好多嘢睇,包括重現百幾年前嘅青森市場嘅模型


同埋成架船都係參觀部份


甲板風景~


然後再去返アスパム青森物產館,一次過買咗萬幾YEN手信,點知回港都好似唔多夠,要去樂天補貨。頂層自然又係360度觀景台。


本來諗住喺度食埋有景飯,薯自然唔like又魚又海鮮嘅鄉土料理,於是去返連鎖店山內農場。估唔到最好食係麵屎同青瓜。


比起雞,呢個都好味,但香港嘅蠔餅更好味。

好眼瞓,返酒店,房間冇特別冇影,都有3張床唔算細的。

18年暑假青森親子自駕遊

睇返真係又懶又忙,冇遊記只有行程~ 希望今次最少有去完有個實際包膠啦~
而家先嚟用里數換機票,too late,唯有又HK EXPRESS,再加東北PASS新幹線上青森。
10日頭尾冇咗兩日,雞髀本來要被罰留港,但又唔想姐姐單對單10日,所以最後唔使罰。好多絕景,不過我呢方面又冇強逼症去儲曬嘅~

8月12日
UO622 18:05 香港 至23:15 羽田
瞓機場…
入面果間東急羽田Excel(U-Fly Holiday package),咁就冇咗一晚~

8月13日
DAY 1 使用東北PASS,希望8點出到門口搭到7:27班車:

羽田~京急蒲田~品川~東京~JR東北新幹線 はやぶさ5号 新函館北斗行(8:20am)最緊要趕到呢班(下一班係はやぶさ11号9:36AM先開)~新青森~青森
checkin Hotel Jal City 青森及放低行李食嘢。

新青森食個飯仔,2點ニッポンレンタカー 新青森駅前攞車。今次揸架660cc車仔,睇吓點。


改為唔攞車搭八戸行青い森鉄道線20分鐘,斷估都係3點到,5點零搭返轉頭。早去早回。

如上圖,揸7個字去淺虫水族館,是咁的,可能係我好鍾意行水族館,唔關雞髀事…呢個東北最大型嘛,收6點。本來諗住去埋青森蘋果觀光果園,不過應該唔夠時間,睇吓點。


跟住行埋收7點嘅八甲田丸青森県觀光物產館,可以食晚飯加埋望吓全市唯一夜景。(再有時間先睇埋睡魔之家


8月14日
好似話早餐唔錯,快快食完希望7:30出到門口。然後先到酒店行兩分鐘到嘅ニッポンレンタカー 青森駅前攞車,改為1300cc,驚行山路太慢。10點到白神山地(1993年同屋久島一樣為日本首次被登錄自然遺產,好大,仲有出產強發酵力有特別風味嘅白神酵母,森林步道內生長著完全不受人為影響,樹齡超過200年的櫸木)其中一個白神之森遊山道遊山。
由於太大,去得十二湖青池,就不如去埋十三湖天鵝湖,有排揸鐘埋兜去津輕半島,薯同雞髀都like先再下次喇。

走馬看花行兩個鐘後揸返1粒鐘鬆啲,點半左右去到弘前蘋果公園,求其摘個蘋果影吓相買堆蘋果產品,2點半走。
再揸約9個字去星の丘inおおわに瞓。

href="http://www.hirosakipark.jp/parking.html">弘前城泊車,
理順一下行程,改為15:00去Hotel New Castle ,一改再改去比較有特色嘅有形文化財產石場旅館checkin兼免費泊低架車。可惜有廁房已滿,但一晚半晚OK 啦。步行至冇櫻花兼移動城堡嘅弘前城,不過都到此一遊啦,預維修十年起碼。

跟住又喺附近弘前洋館行吓加食晚飯,同弘前駅都係步行距離。

8月15日
8點食埋早餐就開車,個半鐘左右到十和田湖,泊車、散策、食堂食嘢,睇一陣。再揸7個字,3點後就可以checkin星野resort奥入瀬渓流hotel,好貴,但包兩餐食,又唔知幾時會再嚟奧入瀨渓流,豪吓啦。隨便行到夠,唔夠聽朝再行。


仲要就返SHUTTLE BUS同泊車地點,可以泊去石ヶ戸休憩所,行返去雲井の滝
不過睇駐車場情報,呢個會係最多人嘅停車場。


再搭最遲17:30回程17:37到三乱の流れい,再行返去石ヶ戸攞車返酒店checkin。

Plan B: 如果好似人哋話沿途避車位都可隨便泊就易搞;
Plan C: 如果十和田湖冇咩好睇(上次洞爺湖薯係覺無聊),可以去埋星野坐喺渓邊食lunch,再搭shuttle bus 去雲井の滝直接行3粒鐘返酒店。
Plan D: 亦可以學人先泊子の口,搭JR巴士到雲井の滝,先行雲井の滝到子の口半段,頂唔順聽朝再行埋雲井の滝到酒店段。(不過個人嚟講我會覺得睇3、4個鐘類似嘢瀑布同樹林都好夠。)
239_hoshino-oirase_01


8月16日
朝早再行又得(或者薯自己起身再行又得),食埋個buffet最好10點checkout。揸9個字去日本名山八甲田山坐纜車


之後又急急腳4點前走再揸兩個鐘去八戸,日落時間睇埋蕪嶋黑尾鷗神社。半粒鐘左右8點到ニッポンレンタカー八戸駅東口還車,今晚住Comfort Hotel Hachinohe

8月17日
DAY 2 使用東北PASS,行程待定,太遠放棄龍泉洞。去Hotel Metropolitan 盛岡放低嘢。

就可以如上行附近到八幡宮,我個人同雞髀應該對寺廟冇乜興趣,雖然八幡宮都靚嘅。

Koiwai Farm.jpg
比較想去多次小岩井農場,N年前去係冬天嚟,睇返2017年個行事曆又有夜晚螢火蟲、GARDEN DINNER、流星雨之類之類行程。可惜同舊年一樣,2018年8月13日先係英仙座流星雨。仲有薯至愛喪屍鬼屋。



巴士相當疏,搭10分鐘火車到小岩井2000YEN打的算。夜晚有時間先去返盛岡食飯兼行附近啦。


8月18日
DAY 3 使用東北PASS,睇薯想點啦,可早可晏,如果佢想今日朝早再行多陣盛岡,或搭個零鐘去仙台港OUTLET可以晏少少先落返品川。呢兩晚住品川Prince Hotel。由於時間關係,我最初打算完全唔留東京,不過薯好失望,咁唯有畀返3日兩夜佢。

8月19日
DAY 4 使用東北PASS,佢咪嚟嚟去去HMV、TOWER RECORDS(明明可以網購,我就apple music的)、紀伊國屋(望住啲書概嘆自己唔識日文)、超市地庫(生果、生果同生果)。川崎好似可以行吓。

8月20日
DAY 5 使用東北PASS,跟著又係拉麵、咖喱飯、定食果類啦,反正佢哋笑就好了。

8月21日凌晨 UO623 01:00 羽田至04:35香港 辛苦,不過又懶得再搭去成田,就咁啦。

P.S. 以上行程有待修改。

青山走犯2017──完全KO整條東鐵線!

15

關於12月3日On99行去落馬洲一事,我想講……

今次已經係小弟第三次搞同類活動,第一次在上年年尾,由尖沙咀行去羅湖,成功。第二次在今年年頭,由火炭兜大圈經大尾督、鹿頸去落馬洲,可惜中途生水泡,劇痛難忍而取消。今次之所以再由尖沙咀出發,並把終點定在落馬洲,一來要彌補上次半途而廢的遺憾,二來,亦要令第一次行程變得更完整,何解?因為東鐵線由尖東出發,終點分別是羅湖及落馬洲。第一次我和朋友只係行到去羅湖,今次劍指落馬洲,才叫完整KO整條東鐵線,對不對?

1

行程已定,就要約朋友,夾時間。我們這些七、八十後老鬼,約朋友難過登天,平時想出來食餐飯聚下舊,可以由年頭約到年尾,他們一味說忙忙忙,忙就不用食飯嗎?於是有人退而求其次,不吃飯,出來飲杯酒都好,較易約得成。

2

我呢,就反其道而行,想一個big project出來,要新奇刺激好玩的,目的係引蛇出洞,令老友不惜掉低手頭上的工作,還有屋企的老婆仔女,由朝到晚玩大佢!

c

甚麼project好呢?幾年前見北區group有網友挑戰由上水行路出尖咀,我覺得幾過癮,心想:如果係我會選擇逆走,行完可以第一時間返屋企沖涼睡覺。心動不如行動,於是係facebook約朋友,如果無人響應就算數,不料有三個傻佬響應,騎虎難下,唯有頂硬上。所謂名不正則言不順,行動要有代號,個朵夠響先壯到膽,就叫「青山走犯」啦!說過了,前後走了兩次犯,一次成功,一次失敗,但在朋友圈中都叫打響左名堂,好多老友都如果再搞記得預他們一份。

3

終於入正題。今次第三次走犯,由約人到探路,用了個月時間準備,原本最後一程打算經蛇嶺去落馬洲,但試行後,發覺落山難度太高,我有行山底都覺得難搞,斜都算啦,頂佢個肺,還要「爆林」(隱約有條路,但給草叢完全遮蓋,跟「爆林」差不多),考慮到走犯當日我們已經行到只剩半條人命,無謂冒險,決定不行蛇嶺,改行山腳的平路,但求平平安安到終點。

4

好了,萬事俱備,走犯當日天晴乾燥,適宜遠……足。我們一行五人按計劃七點準時由尖沙咀出發,另有一人在大圍加入,而我們的家眷(老婆仔女)則在羅湖會合,一齊行最後一段凱旋之路。大隊最初高速快放,一個鐘就去到馬騮山腳,再以同樣速度上山。

5

就在這個時候,弊啦,腳趾有少少異樣,莫非出水泡?回想上次走犯就係衰係水泡上,不禁心中一寒:「主呀,救我!如果今次再因為水泡而半途而廢,你要我之後仲點樣出來行?」

6

好彩我之前做足準備,預先用膠布包實十隻腳趾,除鞋一看,原來異樣的感覺源於其中兩塊膠布鬆開了,遂以新膠布重新包紮,由那時起到最後,腳趾再無問題,惡夢似乎過去了。

7

不過,我的惡夢過去,隊友的惡夢卻剛剛開始,由吐露港起,陸續有隊友受水泡之苦,寸步難行,大隊速度開始下降,進度嚴重落後,結果比預計時間慢了個半鐘才到達羅湖。

8

此時,已有兩位隊友難忍劇痛而退出,我感同身受,因為我上次都試過,不想放棄,但真係好痛好痛,那種痛,無出過水泡的人係好難明白。我跟隊友講,肌肉麻痺、酸痛,甚至抽筋都係小事,只要無水泡,你要我行上深圳再拆返香港都得,但一出水泡就無得傾。

9

如前述,我們安排了家眷在羅湖加入,但因為大隊遲大到,原本三點鐘變到五點,如果按計劃行事,預計七點行畢全程會變九點,大人無所謂,大不了射波,但細路仔要返學,九點行完都還未食晚飯,返到屋企幾點?而且,老婆已經黑面,點算好呢?

10

唯有出plan B,即家眷陪我們去到得月樓警崗便折返古洞茶樓開位等,我們照去落馬洲,再坐的士返古洞開飯。此時大隊剩下四人,因為入黑,其中兩人護送家眷去古洞,我和體力最好的一個快馬加鞭鳩衝去落馬洲完成最後一站。

11

之前探路,我用均速由得月樓行去落馬洲,大概個半鐘,家眷同行,預計兩個鐘,現在只有我們二人,無牽無掛,於是用盡最後一口氣,連行帶跑衝呀衝。

12

不知是否迴光反照,愈衝愈有,一路衝一路看錶,比預期快,有機會一個鐘內到達,於是加速加速再加速,在月色下,漁塘旁,狗吠之聲相聞,兩個傻佬馬不停蹄向邊境進發,可惜最後都要超時十分鐘,但都遠比預計的個半鐘為快。就在閘口外,阿sir離遠見我們如狼似虎衝過來,以為我們真係青山走犯,馬上走出來攔路,問我們所為何事,當他知道原因後,就笑一笑返回警崗內玩電話。

14

我們好不容易完成了壯舉,當然要影相打卡呃下like,無獎品都起碼心靈滿足。自high完後,便坐的士返古洞食飯。最好笑係,我們早過家眷到古洞,原來他們無坐小巴(我原本叫佢地去懲教所搭51K係茶樓落車),而係選擇行路,慢吞吞,結果比我們還要遲。無所謂了,總之有飯食就得,我們再不吃飯,真係可以開追悼會了。

玩完這一次,仲有無下次?緊係有啦,路線都定好,由屯門碼頭行去打鼓嶺,嘩,真係未出發先興奮!由於屯門、元朗、洪水橋一帶我不熟路,要慢慢探路,我估第四次走犯應該係下年年尾了。

各位老友,到時記得出席呀!