DIY請菲律賓姐姐全攻略

每幾年又要搞搞,成日唔記得,方便自己:
我好彩,首次聘請係朋友完約嘅,佢搞曬。而家佢唔做喇,又搵到個啱啱完約嘅朋友嘅朋友畀我。

原來呢度好詳細有講

文件:-

  • ID407 僱傭合約一式4份 (由入境處取得)
  • 舊的ID407僱傭合約一張 (首次聘用唔使)
  • ID988A 從外國受聘來港家庭傭工簽證(由菲律賓請過嚟)
  • ID988B 從外國聘用家庭傭工申請表格(喺香港請完約/斷約)
  • OFW Information sheet(姐姐填)
  • BM (Balik-Manggagawa) Online登記 – 教學影片(姐姐識搞)
  • ID407E 終止外籍家庭傭工僱傭合約通知書(僱主同而家姐姐要簽,用作知會入境處而家姐姐已終止合約)(新姐姐同佢原僱主都要簽一份)
  • 僱主及外傭身份証
  • 外傭有效的護照及簽証
  • 僱主地址証明 (適用於新合約的地址與舊合約不同)
  • 僱主財務証明(不少於18萬港幣)(稅務局發的繳稅通知/銀行近3個月顯示自動轉賬的月薪/公司出的3個月薪金通知salary statements/slips)如前三項不符,亦可以不少於35萬銀行儲蓄作證明)
  • 菲律賓領事館及入境處只接受完約前8星期的申請

    步驟一:
    先到入境處取 ID407僱傭合約及到入境處網站預約提交申請表日期 (預約申請延長逗留期限)。(我姐姐完約前一個月先通知,所以新姐姐要自己一朝5、6點去排隊輪籌。)

    步驟二:
    外傭到BM Online網站登記資料,完成後,列印My Profile的第一至三點 (包括Personal data, Contact particulars, Legal beneficianes / Qualified dependents)

    步驟三:
    攜帶下列的文到菲律賓領事館辦理申請,約一星期後菲律賓領事館會在新的僱傭合約ID407上蓋印公証。

    菲律賓領事館
    地址: United Centre Building, 14th Floor, 95 Queensway, Admiralty, Hong Kong
    電話: (+852) 2823-8501
    辦公時間: 星期日至四: 9:00am – 3:00pm (星期五及六休息)
    費用: OWWA: $196, VERIFICATION: $80, AUTHENTICATION: $200

    步驟四:
    在步驟一已預約的日期, 攜帶已填寫的ID988AID988B、已公証僱傭合約(ID407)、外傭有效的護照(正本)、兩份終止外籍家庭僱傭合約通知書(新舊外傭各一),僱主地址証明,僱主財務証明到入境處大樓辦理申請。

    入境處外傭組地址及電話
    費用: 簽証 $190

    8月15日十和田湖、奧入瀬溪流及星野奧入瀬溪流酒店


    開始失憶,8月15日朝早起身,梳洗完喺石場旅館食早餐,有STAFF入嚟裝飯,知我哋唔食魚,最後仲換咗少少生果畀我哋。


    然後出發去十和田湖,其實預咗唔會太多嘢睇,天陰陰。


    途上嘅一啲風景,即使天陰,喺呢邊揸車依然舒服。


    到咗個湖,有幾隻鴨仔,忍手唔改色,原圖上~


    另一邊,亦有觀光遊覽船,不過今次冇搭。


    出面嘅乙女の像,唔知點解出名,可能純地標。


    向森林方向就係十和田神社,我呢啲俗人都係影吓相,買吓御守當手信。


    好誠心求子女嘅人士~


    嗱,樹呢就唔係度度有…尤其咁鬼大棵,所以喺青森見親都要影。就喺神社隔離。


    中午就去返展望餐廳賣店,食個飯買吓無謂手信仔。我覺得叻咗㗎喇,近年去日本,好多嘢都忍到手,尤其得意小擺設類,都會買送咗畀人就算,自己可能整個旅程幾件,而唔係每個景點死都要買一樣。不過…可能雞髀仔已經幫忙做咗呢樣嘢,佢見乜就話買乜,結果,可能仍然係每個景點佢都有手信。盡量控制佢唔好買啲毛神神嘢。


    天氣好的話,應該ok。


    好早就離開十和田湖,向旅行重點出發。


    開頭研究曬點泊車,點行,但實際上只要有避車位,又唔係泊太耐,都可以沿路停,行一陣揸一陣咁。


    沿途即使只係溪流同樹、石之類,但地理位置唔同、水深唔同、陽光、植物之類,出嚟好多唔同效果。所以點行都影唔曬,enjoy吓就好,去到酒店有攝影師岩木登寫真集,全彩色百景書、植物圖鑑等等賣,唔貴,睇唔曬睇書就夠。原來冬天都有嘢睇呢,不過應該都未必會冬天嚟睇果啲紫色嘅果實。


    只係揀少少放上嚟,呢個係其中一個出名嘅瀑布-雲井之滝。


    又嚟到另一重點,全旅程最貴嘅星野奧入瀨溪流酒店,包一泊兩食。


    Lobby設計都幾懷舊,當時都唔少國內人士CHECKIN,亦有STAFF識普通話,好似係,反正我唔會同佢講普通話啦。


    CHECKIN略為特別之處,就係客坐喺SOFA,STAFF過嚟跪喺度幫你,咁山長水遠嚟到可以坐喺度等入房自然爽。


    我哋房間直頭係LOBBY果層,對正賣店,出門右手邊直去已經係露天溫泉。係方便,不過都驚嘈,但好彩住呢間嘅似乎都相對靜。房間普通舒適,有張按摩椅,有幾罐蘋果汁同一啲蘋果零食咁。


    都係LOBBY~


    岩木登作品展~


    晚飯同早餐都係APPLE KITCHEN。


    蘋果全部都係蘋果~


    仲有青森県難得見到嘅人山人海,又係果句,除咗相對地靜,國內人士喺呢度食嘢都相對地比較有禮。anyway,整體比例係日本人較多。


    坦白講,質素其實唔係超好果隻,但都比一般好一啲,選擇唔係話好多,但夠。亦有蘋果汁任飲,蘋果軟雪糕、蘋果批等。滿足了~


    食飽飽浸溫泉?係就係,不過做少少暑期作業先~ 哈哈。雖然係8月,呢度天氣算涼涼哋,所以呢晚印象中係幾舒服地浸咗個溫泉嘅。同事話,其實有得搭shuttle去遠少少嘅露天浸,不過佢話好趕唔relax,唔去好過去咁話,咁就算了,都懶得郁。


    最後,有人又嘆按摩椅又宵夜咁,睇吓呢隻仔,真開心。

    8月14日石場旅館、弘前城及弘前站一帶


    由蘋果公園揸十零分鐘車到石場旅館,比預計嘅3點早少少。


    又係有形文化財產~ 入面係和式房間,有廁所房已滿,所以係一個和式淨房,入去已經舖咗3張床舖喺地。


    玄關同房間都係咁上下歷史啦~


    洗面所嘅盡頭就係廁所同浴室,呢晚我哋都幾夜先返到,根本冇人爭,我去咁多次洗手間都冇撞過人~


    坐一陣,隔離就係教堂,外型幾靚。


    教堂外紫陽花盛開~規模唔大。


    幾分鐘步程就係弘前城外圍~


    由追手門入,呢度有好平可以扮嘢影相,不過都冇乜時間,再有興趣先算喇~


    又係冇時間,冇行弘前城植物園~


    弘前市立博物館都自然…


    第一次見好似垂柳咁嘅桵花


    天守自然係主角,雖然係移動城堡,都仍然可以入內參觀。


    坦白講我都係走馬看花~買吓手信就算。


    雞髀反而自得其樂,去到邊都要影呢啲牌~


    公園面積唔細,HEA吓已天黑咁,護城河有天鵝同唔少鴨~ 不過青森市鳥貓頭鷹就見唔到喇。


    出返追手門,影吓青森銀行紀貪館,唔入得的,之後有岩手銀行係入得去參觀嘅。


    追手門對面就係弘前市立觀光館


    好多款蘋果批~


    免費入場,又可以休息有小賣店有雪糕食,又係自然用睡魔做賣點。


    成個館都有少少友誼商店果種feel,展品好似立亂放咁,流流哋。


    但都睇到啲傳統手工漆器原來要用成48個工序先做得成。


    所以賣咁貴,100yen shop果啲就真係唔知喇。


    另外仲有香港人唔太知嘅津輕燒(我只係聽過有田燒美濃燒)同埋各傳統工藝品,中藝應該仲多啲嘢睇。


    其實幾creepy嘅「玩具」


    仲有一啲友好城市送嘅標本,熊出沒。


    繼續行返去弘前駅果邊諗住應該好旺,原來估錯曬。天空是紅色的,所以終於明呢幅蘋果色的弘前街道點解了。


    近車站,終於有一幢Seven & i 似樣建築物,竟然個mall仲收唔記得好似8點,下面仲有超市~


    到弘前駅,都有個細mall,仲可以shopping買到衫,認真bonus。


    兼且估佢唔到今次第一間見到嘅「鬆本清」(聽到佢啲普通話廣播就知點解~)


    再行埋超市,睇薯最愛嘅生果…好可憐嘅福島桃,日本人自己都唔買,山梨產嘅就清曬,薯有諗過救一盒,不過最後發現仲有一盒山梨喎,梗係…


    行到黑都天曬,周圍正路地冇街燈,但又唔會覺得太唔安全。車站附近出現少數拖喼強國人。我哋原路行返石場旅館睇吓有乜食。(題外:抬頭望星星幾多幾清的~)有吉野家蕎麥麵店。


    薯就梗係揀返好味芝士漢堡扒,喺小樽食過兼好近旅館嘅驢子嚇一跳びっくりドンキ


    好,嘢都唔想講太多,食飽飽攰死,返旅館沖個涼又準備聽日行程喇。