世界末日?還是狼來了?

Six degrees

有報道指,剛過去的冬天是一八八零年以來最溫暖。香港是亞熱帶地區,全球暖化,我們的感受最深。自去年尾至今,香港天氣既濕且暖,印象中未試過有一天低過十度,聖誕穿短袖衫已經夠掃興,新春更加熱到想裸跑,感覺非常之不爽。

我怕熱,自然特別留意全球暖化的消息。著名科普作者Mark Lynas的大作Six degrees:our future on a hotter planet,以史為鑑,結合最新的科學研究,預測地球每上升一度會有甚麼後果。出版後回響不絕,更獲National Geographic改編成同名紀錄片。我是先看紀錄片,後看書,內容大致如下:

一度
水溫上升,產生更多颶風,水浸無日無之。

二度
熱浪迫人,植物開始停止光合作用。冰川加速融化,水位上升,淹沒邁阿密、曼哈頓、上海等沿岸城市。

三度
聖嬰現象加劇,超級颶風成為常態,沙摸化迅速漫延,雨林落得跟冰川一樣的命運,全球有三分一物種瀕臨絕種。

四度
西伯利亞、阿拉斯加、加拿大北部,甚至格陸蘭南部都變成融冰區,釋放大量甲烷,禍害比二氧化碳高二十倍,令全球暖化進一步失控。

五度
海水升溫,蘊藏在深海的甲烷亦告失守,大量䆁出,導致海床崩移,以及隨之而來的特大海嘯。

六度
海水沸騰,引發甲烷大爆炸,威力等於一百兆噸黃色炸藥,亦是現存核武總和的一萬倍。核子冬天驟然來臨,氣溫短暫下降後,因甲烷持續燃燒而止跌回升。最後,發生在二疊紀的生物大滅絕重演,人類從此玩完。

閱畢全書,不止全世界都震驚,就連遠在太空的外星人,也不禁倒抽一口涼氣:「天呀!地球人想玩集體自殺,也犯不著找其他生物陪葬吧!」也許,這正是環保份子的用意,語不驚人誓不休,把全球暖化說成世界末日,以期引起各界關注,齊齊減碳。

不要誤會,我是真心相信全球暖化,平時身體力行,實踐環保生活,至於世界末日,我亦抱持「寧可信其有」的態度視之。但我懷疑其他人未必同意,畢竟全球升溫六度是極端假設,即使屬實,也不會在本世紀發生。換言之,對不少人來說,世界末日就像《聖經》所講的「天國近了,你們應當悔改」一樣遙遠。

未來充滿變數,即或行將就木,也有可能迴光返照。君不見近年歐美接連遭遇寒流侵襲,氣溫屢破新低,雖然科學家強調嚴寒是暖化的結果,因為極地漩渦受熱而減弱,冷風外泄,繼而南下,令高緯度地區出現異乎尋常的寒冬。至於你信不信,反正我相了,不過,我更相信反對者會覺得這是輸打贏要,因為太過counter-intuitive。

迴光返照的現象還有很多。例如作者承認暖化令南方糧食減產,但北方則變得適合耕種,新增的產量或會抵消南方的失收,也紓援了氣候轉變對人類的影響。而北極航道因融冰而開通,亦便利了歐亞航運,商人不亦樂乎。

推廣環保,不能一味靠嚇,尤其世界末日,講得多會變成狼來了,有反效果。正如John Keynes的名句:In the long run we are all dead。如果世界末日是下一代的事,有誰關注(尤其無兒女的)?相反,霧霾遮天、水土污染、山河變色等問題,才是最迫切的威脅,上至天子,下至庶民無一幸免。

環保份子還有一個壞習慣,就是過份吹捧簡樸生活。作者說:「不開汽車、不搭飛機、採購本地產品、自已栽種食物、與鄰居打好關係,生活會過得比其他崇尚物質的人為好。」不能說沒有道理,但代價不菲,尤其頭三項,恐怕得不償失。反觀紀錄片,重點放在節能科技上,提倡既環保又舒適的生活,其中有一句話最深得我心:I think once people understand the climate protection puts money back in your pocket because you don’t have to buy all that fuels, political resistance is going to melt faster than the glacier.

只有把環保從天上拉回人間,不再離地,世人才會正視問題,踏出拯救世界的第一步。不但是為了下一代的福祉,也是為了當下的自己。千里之行,始於足下,大家一起努力吧。

原文刊於《閱刊》五月號。

鍛鍊EQ─為雞髀仔做情緒教練

EQ
一路都覺得自己冇乜EQ,近嚟再上嬰院安排嘅情緒管理course,講者陳姑娘(社工,唔好意思又唔記得名,得閒搵返)提及要小朋友情緒穏定,父母首先必須情緒穏定,言教不及身教嘛。

而情緒並無好壞之分,就算負面情緒其實有佢存在價值,擔憂可以令人為某事準備更充足、憤怒可以提升能量、驚慌可以令人遠離危險等等……而有某種情緒之後嘅處理方法,表達手法等等先決定一個人EQ高低,而本書話EQ對人嘅成就或生活又有比IQ更大嘅影響。

提起EQ,我諗好多人都知係要控制、管理好自己情緒,加上理解人哋情緒。當日陳姑娘舉嘅例我大概唔記得7788,但最重要內容有兩點,其一就係佢建議睇嘅上面呢本Daniel Goleman 嘅EQ(係呀,10週年我先睇,又嚟寫書評,so?有問題嗎?;p )嘅重點:

同理心

唔係咩新嘢,有時外國學者所「創立」嘅,你可能幼稚園都聽孔生講過。己所不欲,勿施於人。well,外國嘅強項就係將呢d古老智慧系統化嘛。

EQ example 1

何謂同理心?簡單講就係角色扮演啦,當你自己係對方,理解佢嘅諗法、立場、理由、感受之之類類。呢樣嘢係好難,但同IQ唔同,有得train,重點就係你要肯對某個人俾力,用心。對亞豬亞狗都用同理心好攰,除非你個人天生係感情豐富嘅動物。不過,暫時我覺得我對雞髀仔係可以咁做,觀察,代入,慢慢就會了解一個人。上圖令人surprise 嘅地方係,即使強國人,都係可以有heart嘅。

另一例子係陳姑娘舉嘅,如果某日亞仔返屋企喊曬口話今日最fd個同學仔搶咗佢粒糖,你會點處理呀?有人答,俾返兩粒佢。有人答好小事啫,唔好唔開心之類。呢d都係我哋大人嘅諗法。要設身處地諗,如果你係佢,粒糖對你天咁大,你冇諗過有人會俾返你,你冇諗過你最fd果個會搶你嘢,etc。(我諗:當你個best fd搶咗你條仔,你會點?)咁佢嘅「負能量」既有失去嘅唔開心,可能亦有對朋友嘅失望、仇恨、憤怒等交雜。如果呢個時候大人只係叫佢唔好開心啦,就好似一盤冷水潑落去,佢可能會覺得你唔明白佢,嬲埋你,最壞嘅甚至係佢開始覺得原來負面情緒係衰嘢嚟,媽媽會唔鍾意,然後壓抑自己,最終演變為情緒病。

點解要將「負能量」分仔細?就係講者第二個重點,應該本書都冇講。就係要教小朋友認識每一種情緒,感受得倒而且識得講出嚟。當你知道咗之後,你同佢都可以更更容易疏導,留意情緒係要用大禹治水法,要疏導唔可以堵塞。每個人疏導方法唔同,女人可能講一餐飽就冇事,男人或者唔出聲谷大啖氣。如果係因為失去唔開心,可以俾嘢補償。如果對朋友失望,亦可以鼓勵佢了解朋友點解會咁,可能無心之失。總括而言父母有耐性,觀察,叫小朋友理解學習自己情緒,久而久之就會慢慢管理好。

仲有本書有講嘅未必算重點嘅係延遲滿足,小朋友大多數好心急,研究發現,同4歲左右小朋友做實驗,叫佢揀而家可以攞某樣玩具或食物,但如果等10分鐘可以有兩倍或更多。廿年後發現,肯等嘅小朋友嘅成就普遍比唔肯等嘅好。本書仲有好多例子,說明同理心應用喺不同範疇,例如醫生對病人用同理心,甚至藥效都比較好。同人講說話唔好用D輕蔑嘅口吻,咁所有人際關係都會更好,我知係老生常談,不過對我呢D慣性成日串人嘅人嚟講,定期背熟同理心呢3個字,當佢係電視白痴廣告咁提醒自己都好嘅,雖然掋x的人係始終要x的,但記住對自己重要的人好lor。

而本書學術性之處仲有關於腦部結構同情緒嘅關係,例如杏仁核受損後病人缺乏負面情緒,但理性又完好無缺,無論係咪為bb都值得睇。

Raycop Smart對抗濕疹

Raycop Smart
陀住BB時已經有百老滙sales叫我買,但當時唔覺得有需要,近來日本同事成日話瞓教俾嘢咬講開有冇咩對策,google吓又見返Raycop,原理係用UV-C殺菌殺蟎,睇eHOW話:Dr. Needham reported in the paper “Ultraviolet C Exposure is Fatal to House Dust Mite Eggs" that exposure of dust mite eggs to UV-C for 5 seconds leads to near 100 percent mortality.
即係幾秒搞掂。用拍打器拍出嚟再加吸走。似拎張被去天台曬,但睇返上面個表,UV-C過唔倒大氣,所以用UV-C燈應該有效過直接拎去曬。

薯淘向來有鼻敏感,雞髀仔又有濕疹,雖然食亞麻籽油最初極有效,但效果似乎慢慢減弱,所以又網購嚟玩。

Dust and dust mites
吸完所有床舖,都幾驚人,呢D係塵,蟎係白色粉,有少量影唔倒o既,但其實見得倒已經等於唔少量。第一晚瞓已經冇乜鼻塞,係有效o既。至於濕疹就需時,慢慢睇吓會唔會好返。

另市面上有不少其他產品聲稱能除塵蟎,有平至幾舊水,有貴到好似:有同事叫我千祈唔好搞D塵蟎,就係可以好似rainbow呢單好大獲。我斷估不論平貴,吸力強唔強亦唔係最重要,反而係殺菌果part更緊要,如果殺唔倒蟎再隔得麻麻哋,吸完可能有衰過冇吸。網上更見人就咁用UV-C燈殺菌,夠平不過要小心唔好照倒人。

同場加映:Calpis話乳酸菌對抗敏有效,遲D又可以俾雞髀仔試吓低糖果隻。Supporting有呢度:Childhood Eczema
Using probiotics both during and after pregnancy may reduce your child’s risk of eczema. According to a large study performed by the University of Turku and published in the “Journal of Allergy and Clinical Immunology" in 2002, the risk of developing eczema in infants whose mothers took probiotics during pregnancy and breastfeeding was significantly less than infants whose mothers took a placebo. Protection against eczema was limited to an infant’s first two years of life. Research by Australia’s Royal Children’s Hospital in 2008 suggests that probiotics are an ineffective treatment for childhood eczema. Although probiotics during pregnancy may prevent the onset of eczema during the first two years of life, there is no evidence to suggest that consumption treats the skin disease.
哎吔,只係對兩歲前果d bb濕疹先有效咋喎,仲要係媽媽食,睇得太遲。um……但我有食yogurt喎……

FYI: Sterilization Time
Sterilization time in second = Sterilization Dosage/Radiation Intensity Sterilization Dosage (uW, sec/cm2) = UV intensity * Exposure Time Radiation Intensity (uW/cm2) = UV Intensity / cm2. Miniature Quartz Cold Cathode lamps generate min. 5mW/cm2 (typical 6mW/cm2) One of the most resistant virus is Tuberculosis. The energy needed for total destruction is 10mW/cm2. The efficient sterilization dosage for a certain surface that should be sterilized is: 10mWsec/cm2 / 5mW/cm2 = 2 seconds. This should be the total time that surface we want to disinfect should remain under UV radiation. To calculate the sterilization dosage for water or air we may need to take in account a certain number of factors such us: lamp intensity radiation, intensity variation within distance, the chamber size, the flow rate, the absorbtion coefficient of the media, etc