專注力不足與認知訓練系列之一


家長嘅惡夢!
入完名牌小學被老師叫評估,兩個月(到而家都3個喇)仲未適應小學生活云云,經常控制唔到自己要出位,好易心散,成日掛住傾偈之之類類我哋細個都會做,聽落幾正常嘅事。

但,時代已經唔同,而家我哋年代嘅曳叫做ADHD,Attention Deficit Hyperactivity Disorder。都唔知邊條左膠大愛發明出嚟玩班父母。係,小朋友你冇錯,你唔係曳,你有病啫,你控制唔到自己,你冇能力去專心,父母唔會因為你病就唔愛你,I love you, I accept you for who you are. BUT, 雞髀你係有啲唔好彩(定好彩呢),遇著個強逼症兼衝動鍾意冒險媽媽,我係一定會:

And I will try to fix you~

好多朋友都覺得我係太緊張,話細路係咁,大個咗自然會好返。雞髀只不過太鍾意玩,咁叻仔一啲都唔似有病,應該只係曳。另,大人都可以去專注力促進會自測

網上大量資料可以搵到點先算ADHD,呢度都幾簡潔。
Types of ADHD
There are three types of ADHD:

1. Inattentive

Inattentive ADHD is what’s usually meant when someone uses the term ADD. This means a person shows enough symptoms of inattention (or easy distractibility) but isn’t hyperactive or impulsive.

2. Hyperactive/impulsive

This type occurs when a person has symptoms of hyperactivity and impulsivity but not inattention.

3. Combined

Combined ADHD is when a person has symptoms of inattention, hyperactivity, and impulsivity.

首先,係薯發現佢成日聽唔到嘢,(爸爸特別容易發現),因為爸爸永遠冇媽媽咁煩,佢哋唔會慢慢令到個仔望自己先講。我可能會就住雞髀,逼佢望住我先講,只要專心望住我時聽到,我就唔覺得佢有問題。(始終對得細路少)
第二,班主任打電話通知,都打咗幾次。課外活動義工家長都有影畀我睇佢點樣唔肯上堂。好幾個家長都話老師「投訴」。
第三,見咗學校社工,話雞髀明顯impulsive,同易分心。呢位社工算係幾open-minded,佢一冇叫我即刻去睇精神科評估或食藥,佢話評唔評估好睇家長需唔需要攞資源。二佢唔會話呢樣嘢係冇得醫只能減低徴狀,反而佢話專注力都係一個能力,可以培訓同提升。

我自己覺得雞髀:
1. IQ 正常(可能偏高添);
2. 學習(專心時或有足夠趣味或上網或大刑侍候時)冇大問題;
3. 專注力不足(不能集中一件事太長時間,睇電視玩電話例外;一有刺激就分心;控制唔到自己等待或冇打算控制自己-同管教方式亦相關;好容易發脾氣等。)並非只在家或學校,持續半年以上;家中情況無大改變;

Inattention, or trouble focusing, is one symptom of ADHD. A doctor may diagnose a child as inattentive if the child:

is easily distracted
is forgetful, even in daily activities
is unable to give close attention to details in school work or other activities and makes careless mistakes
has trouble keeping attention on tasks or activities
ignores a speaker, even when spoken to directly
doesn’t follow instructions
fails to finish schoolwork or chores
loses focus or is easily side-tracked
has trouble with organization
dislikes and avoids tasks that require long periods of mental effort, such as homework
loses vital things needed for tasks and activities

4. 活躍,但不算太過動…啩。(不過又可能我只係習慣咗)
Hyperactivity and impulsivity
A doctor may diagnose a child as hyperactive or impulsive if the child:

appears to be always on the go
talks excessively
has severe difficulty waiting for their turn
squirms in their seat, taps their hands or feet, or fidgets
gets up from a seat when expected to remain seated
runs around or climbs in inappropriate situations
is unable to quietly play or take part in leisure activities
blurts out an answer before someone finishes asking a question
intrudes on and interrupts others constantly

環境:
1. 班主任 / 興趣班老師 / 社工都已出聲話情況明顯要做嘢;只要想喺度安份畢業過馬路,做minimum是必須的;即使被踢出校,如果是必須而對佢好,都冇法;目前暫時睇唔到有咁嘅可能性。但我冇理由等到呢個同學出事先做嘢 / 要把握時期。
2. 是否ADHD,是否需要評估,是否只係曳?如果需要學校資源當佢弱智咁教就需要評估,否則只需要集中處理提升專注力。唔想嘥呢皮嘢,唔做住。

社工提供資源:

方案(我認為可並行而無砉,係要嘥多多時間同錢):(或者都睇信則有嘅緣份,撞到邊樣就邊樣先)
1. 學校社工已定期見佢及train佢社交、行為同埋記憶力專注力,免費的(邊個話喇沙冇支援,但一日未評估斷症,冇太多係真嘅);
2. 社工推薦坊間有提供培訓的NGO:(睇餸食飯揀時間地點價錢)
A. 耀能EASE PROGRAMME,排咗隊要半年;
B. 協康會
C. 小童群益會
D. 青協賽馬會學生支援中心

2. 排政府,睇醫管局呢個專科門診診所名單頁:
要先睇精神科拎到轉介信,見到你住果區,打返去近果區嘅精神科(兒童及青少年精神科中心)登記新症就得,留意佢哋只係做治療,唔係做評估,即係想食藥排定就啱,反正都斷年咁等。

3. 私人牟利型培訓:
A.
朋友話正:STEP CENTRE 邁步兒童發展中心;但又係喺中環,帶佢過嚟遠啲
好早打咗去約評估,不過對方亦好盡責咁提一提我問清楚學校承唔承認臨床心理學家嘅評估,佢話教育局好似寫只限精神科。(由於我嘅sustained attention都麻麻哋,問問吓又飛咗去其他嘢度,未問學校社工。整埋呢啲咁嘅blog文,唔好以為我要打救世人,即使唔覺意扶碌撞棍有咁嘅副作用,我最主要都係想搵個位幫自己整理吓凌亂嘅思緒。)

B.由於緣份嘅安排,睇到PowerBrainRX; 我一向覺得聽多樣冇壞(反正consulting是免費的,要聽咗先可以判斷係咪呃人冇料到)不過我覺得最壞應該係吹到天下無敵而最終做嘅同NGO提供嘅類同。關於呢度,太長篇要去系列二了。



4. 書本:坊間大量類似嘅書,點都應該打啲底,有啲用;
5. 上堂:見到青協有專注力訓練員證書課程,千零蚊上6晚,即報。12月18日開始,再包膠。
6. 健腦操: YOUTUBE搵吓就有,家長教,似啱老人家,反正腦部健康就係需要多做運動,唔拘泥於咩運動…啩;跑步都話有用;


7. 營養: 魚油就算冇用亦無害,食緊;專注力supplement唔知有冇用架;不過雞髀係敏感仔又濕疹,糖、麩質、奶、之之類類都可免則免;要飲多啲還元水,佢成日唔肯飲水。近排隻手仲生嘢:
懷疑係病毒疣,睇過普通醫生搽抗生素無效,醫生話唔好放燶喎,雞髀又怕痛,跟住試疣凍寧(萬寧有售),話用低溫殺喎,但感覺上都係篤爆咗果啲先會自己好。其實好多人叫我再約皮膚科,但太多嘢要處理,而且睇落好似好緊,好似幾個月至成年不等跟住又免疫咁…

8. 管教: 薯傳統式,但針對雞髀我同老師嘅判斷係其實正向較有效;不過都係,為最低程度完成功課唯有用短線方式;
9. 藥物:個人覺得無逼切需要;等政府排到先~


10. 輔助用品,針對過動可以坐波波,唔記得邊度睇過話有效,反正樣樣都話有效;唔想太阻定,就試呢個唔使充氣嘅魚仔算。另,google到香港有賣呢啲嘢舖頭極少,Happy E-BABIES嘅效率好高,聽日就考試,我想快啲畀佢坐定少少溫吓書。
11. 仲有要媽媽support group啦EK啦,我係理性啫都要不斷搵人問意見。各位同學仔家長真係好好人,好多意見畀我,亦難得(有難同當)有朋友有類似經驗,針灸、香熏油等等都聽聞有效,好似寫咁耐未寫認知訓練,下篇啦。

P.S. 養兒一百歲,長憂九十九:我好佩服啲ASD、唐唐、ADHD、資優夫母仲有張超雄。加油長期大作戰~

小一家長實戰紀錄


係,正常人中咗六合彩二奬唔應該公告天下,不過我真係有強逼症。(._.")


雞髀你記住我真係盡咗力㗎喇!
睇呢條link可見上表。2011年係47年嚟出生人數最高嘅一年,2012本來會更高,不過中間停咗雙非。

所以由K2開始,上咗整整一年面試班,係冇用嘅。其餘因為幼稚園已經夠深,只係上吓phonics同音樂班,玩吓happy bee算。而每報任何興趣班,薯都係要柴台話我嘥錢。雞髀仔啲英文會話麻麻,K3時,我唔再理薯反對喇,硬係要佢去monkeytree玩吓。再加畫畫同小提琴。

雞髀唔係笨,但係細仔,有搵沙浸好好人嘅譚sir做過評估,話佢雖然唔係最outstanding果批,但10分佢都俾8分,任何學校都可以去試吓咁話。結果呢?咪都係鎩羽而歸,全軍覆歿(除咗幼稚園聯繫小學收咗,但要10萬蚊一年);咁我都冇全港所有學校報曬,因為薯死都唔肯搬去11區。佢亦都唔肯俾錢雞髀讀國際學校,話納稅人應有福利喎。

即使係咁,我仍然冇放棄。既然直資私校都冇嘢揸手喇,自然要玩唔抱太大期望嘅嘥錢租屋大抽獎啦。

K2時,自己知自己事冇抽獎運。於是用雞髀八字去check紫微斗數,師傅話佢今年運強,值得一搏。因為朋友教路租借地址,尤其傳統名校,大把人抽查你,所以唯有就薯唔搬,但努力爭取喺41區租多一個單位將雞髀仔搬過去,兼且請姐姐幫手照顧,(我哋一向冇用姐姐,自己的事自己做)薯淘再分開一人幾晚咁過去陪太子讀書。我知道我明白成件事好柒,大量研究證明讀邊間小學並不影響小朋友將來成就,但我就係唔想後悔,將來雞髀問媽媽點解你推我去band3,我曳唔關我事,你一手做成,blah blah blah。(當時其實另一位朋友陪我,打算抽瑪神,又係題外喇,但起碼人同此心。)趙榮德先生都話啦,既然有咁嘅rule,你有能力嘅不妨玩呢個遊戲。亦自然唔掋得同胞得我哋港產唔得。anyway,monkeytree加姐姐係有啲用,起碼雞髀肯講多啲英文,不過到佢啲中文認字開始唔掂喇,應該又要再跟進吓。

同時,沙田區其實過去幾年嘅成功率仲低過九龍城… 不過我target始終唔係新界,以下就只post近幾年數據:
唔使問我,數自己識計,pure luck,另可上EK睇hkpapa852分析


唔知你哋睇到啲乜,我就睇到2007年至2010年出生人數增加萬八,但41區抽獎人數2013年至2016年之間,反而係由966變917,即係話其實都可以預計今年香港九龍區人數唔會大增,41區俾盡你一千人。而且唔係自行,真係參加統一抽奬嘅人數係由2013年嘅827人跌到2016年嘅742。
如果男女各半,有姐妹嘅又唔揀,有可能係2、3百人入面抽84個位,咁咪分分鐘有超過3成機會?筍過曬所有直資私校嘅機會率。

當然,自行時我哋乜分都冇,揀都冇用,所以揀咗41區嘅基督教學校,話曬有20分,而去過開放日其實資源都好充足,睇落唔差。入到我都願喇,最少唔使俾學費,慳好多。或者係隔夜點心,整定,自行又衰咗。

抽獎交表時,分8行,每行見老師名冊又係百零人,(唔太記得清名數同頁數,但當時我清楚數咗一版同乘咗頁數。)


6月3日,死期,已經預咗要跪玻璃,靠薯求校長之類,整定10份portfolio填曬form。我一個去到,薯帶雞髀仔上小蜜蜂,得返7行添,應該唔過千人啦。anyway,話平常心啫,預咗唔得啫,始終都有少少期望,薯已經預早吩咐,唔好喊呀。我全程靠閏蜜好友於whatsapp支持,記住要型要靚唔可以跪低。當時見到前面有家長笑,有家長眼濕濕,老師再派紙巾…越嚟越緊張,唔得我要型…深呼吸…


心目中就諗起種種唔科學嘅方法…塔羅牌我抽嘅係death card,冇嘢,事情告一段落,可能係新開始好事呢;雞髀仔抽嘅係lover,希望真係咁完美…
到我時,老師叫我對名,邊有心機睇,份嘢好多字,我由底睇上,喇沙利道?!唔係啩…
之後真係目無表情,簽收,先醒起睇清楚有冇錯名剩。YES,唔使跪玻璃喇,成件事唔柒喇。真係天堂地獄,唉,感謝主,我同自己講要決志,因為我一向覺得自己已經係個好人,再多對上帝都冇乜吸引力,;p,係嚟緊唔知跟雞髀天主定薯基督好,好彩都係同一個神。薯一路撥冷水話上帝唔會聽呢啲。

一笑,就發現有線(應該係除非唔係)camera對住我問意見,我只答了「ok la」。

P.S. 又八卦吓:
2017年派位:
2017 派位

去大自然上課

1

我經常帶犬兒郊遊,親近大自然,撇除經濟考慮外(來回車費只是十元八塊),主因是要擴闊他的眼界和胸襟。

我一向討厭市區,工作在石屎森林,人多車多廢氣多,抬頭仰望,如坐井觀天,天空只剩一片夾縫。犬兒也在市區返學,雖是低密度,在我眼中,依然是污煙瘴氣,不宜久留。每逢周末,如非必要,絕不踏入獅子山以南半步,生活圈子盡在新界西北。過去半年,我開始帶犬兒行山,蝴蝶山近,易上,卻不夠開揚,大石磨遠,難行,但風景甚佳,可飽覽中港邊界360度全景,看日落一流,或到馬會及高球場散步,在大草地奔跑,又或在梧桐河踏單車,欣賞沿河風光。

我告訴犬兒,大自然是多麼好,沒有高樓,天空是萬里無邊;沒有光害,星晨份外耀眼;沒有廢氣,呼吸清爽怡人;沒有噪音,靜聽萬籟和聲;登高山,方知天地大,在穹蒼下,自己只是一粒微塵。我希望大自然的環境能激發犬兒的好奇心,探索這個大千世界。

上周末,我和犬兒在高球場上,日落黃昏,球場空無一人,只餘我倆,適值翻風,我跟犬兒說:「風無形無體,無色無味,看不見也摸不著,但當涼風自天邊吹來,樹葉沙沙作響,聲音由遠而近,縱然你還未感受到輕風吹拂你的面,你卻知道,風起了。」

在大自然給犬兒上一堂課,勝過返十堂面試興趣班,而且,是免費的!