臥薪嘗膽 · 雜記 · 宗教

點解上帝容許壞事發生?

(為求行省時及行文方便,以下文章用口語。)

之前有人問我,點解上帝容許壞事發生?你地基督徒唔係成日話上帝係全知全能全善既咩?如果上帝唔能夠預知壞事發生,咁上帝唔係全知,如果明知有壞事發生都唔阻止,咁上帝唔係全能,如果非不能也實不為也,咁上帝唔係全善。

我點答呢?一般黎講我係唔會回應呢類問題,因為信仰不是辯論,不過果日我忽屎痕,答左幾句,之後又諗左一陣,結論大概係咁:

所謂全知全能全善,只係讚美,而讚美係唔駛講(充份)理由既。等如你去茶記食飯,侍應問你:「靚仔,食咩呀?」你都唔會當真掛?

撇除全X不論,點解上帝唔阻止壞事發生呢?我既理解係,因為上帝容許人類有自由意志,所以責任自負,要求上帝出手,係唔fair。

即係點解?所謂自由意志,就係你想做乜都得,當然犯法要坐監,但你依然可以選擇犯法,寧可坐監。對不對?而不論你做好事定做壞事,你都會影響到人,可以係好既影響,也可以係壞既影響。當你選擇做唔做呢件事,其中一個考慮,就係會唔會影響到人,如果係有益於人就唔怕做,相反,你就要三思。

從另一角度睇,被你既行為影響既人,如果係有著數,當然唔怕比你影響,相反,有得避就避,無得避就報警(係今日既香港,唔一定有用),或私鳥(唔一定打交既,可以係大家坐低唔啱傾到啱)。

如是者,大家都基於利害得失去決定點樣實踐自由意志,to do or not to do。

問題來了,如果上帝容許好事發生,但壞事就阻止,咁會違背左自由意志既初衷。如果我每次做壞事都唔會影響人,豈不是鼓勵我多做壞事?再者,對受影響既人,只有著數沒有拖累,咁亦係唔公平。

上帝容許我地有自由意志,我地就要有覺悟,呢個世界係唔會有一人做事一人當咁理想既,想做好人定陀衰家,up to you。而對被影響既人黎講,亦要有心理準備,有福同享,有禍同當。佛教有所謂「共業」一語,但如果你是小粉紅,他日被抄家清算打為右派反革命牛鬼蛇神,就不要怨天尤人了。路係自己揀,仆街唔好喊。

所以,你明白點解上帝會容許世界大戰爆發、又容許毛澤東希特拉呢啲魔頭降世,因為同一時間,你都享受左啟蒙運動、文藝復興、工業革命等帶來既好處,而且,貝多芬莫扎特既音樂,亦為我地帶來無限既享受(如果你識得欣賞既話)。

當然,以上答案不能窮盡一切,我亦唔相信有人可以窮盡一切,更加唔相信就算唔能夠窮盡一切,宗教就變得不可信。

呢篇隨筆,純粹屎忽痕寫出黎,不喜勿插。

用家評論 · Plan B · 健康

濕疹、保濕用品及更多用家分享

年紀大機器壞香港又被催淚彈污染……,唔多廢話,只係想分享近排試過真心覺正嘅~

1. BFFECT 玻尿酸保濕精華液 (第一代Na-PCA用緊第4、5枝好好,第二代寡糖胺基酸未開,應該比較潤,啱我啲DRY人)
我皮膚又乾又油又敏感;雞髀就雞蛋敏感加濕疹,唔保濕就一面係。

玻尿酸即透明質酸
透明質酸(又名玻尿酸 Hyaluronic Acid)是人體真皮層的其中一種成份,具備保持水份的能力。
正常角質層含水量約在10到15%之間,如果含水量低於10%,肌膚就會開始乾燥脫皮,出現缺水紋,同時也會進一步造成真皮組織的水分流失,形成皺紋鬆弛.透明質酸能增加皮膚的含水性,保持肌膚的濕潤度,讓肌膚呈現應有彈性和光澤,能達到長期保濕,留駐肌膚水分。根據大量研究表明,人體皮膚表層(角質層)水分含量約占15-30%,低於或高於此值均使人不適,具有燥感或膩感,長期如此,會使皮膚乾裂或水腫,從而使皮膚失去彈性,粗糙老化。而透明質酸作用於皮膚內部調理後,可在不同環境中自動調節,始終維持皮膚水分在25-30%,保持皮膚的濕潤、清爽,使皮膚更富有彈性,起到抗皺防皺、延緩人全皮膚衰老、美容養顏的作用。

Na-PCA鈉羥基皮酪烷酮_天然保濕因數
PCA是一種迅速降解物,來自氨基酸。有高度吸水效能,是人體皮膚內自然產生的一部分天然保濕因子(NMF),主要功能是保持皮膚健康的表皮和水份,PCA有很強的吸濕力,能自然地從空氣中吸引水分,幫助頭髮和皮膚補濕。它不會引起粉刺和刺激皮膚,甚至在濃度高達50%,都不會有光敏或敏感反應。由於其含水量結合的能力,是一種高性能的保濕劑,加入產品中能增加皮膚的柔軟度。

寡糖胺基酸
SUBLISKIN™
效用:撫平乾燥細紋撫紋因子寡糖胺基酸,為微生物發酵所得之寡醣,用於幫助脆弱且薄的肌膚對抗每日的外在侵略,以維持肌膚美麗。能對抗水分流失及改善肌膚彈性與密度、刺激玻尿酸、第V型層黏蛋白( laminin-5)和彈力蛋白的合成、強化肌膚屏障並減緩皺紋。

BFFECT 官網: https://bffect.com/zh-tw/
透明質酸大家都知係咩嚟,不過暫時我用過性價比最高係佢,港幣8X蚊枝精華,真係唔知去邊度搵,訂夠10枝送香港都免運費,亦可以用國際轉運,好簡單。

應該用咗化妝水,然後用兩滴再搽cream鎖水嘅。
我呢期極敏感爛面,索性用泉水算。咁就係第二款用咗幾個月嘅Avene。
Avene泉水 + BFFECT透明質酸 + Avene 抗敏感保濕。
雞髀都有用Avene BB 沖涼系列,OK啦,勝在平,搽兩滴BFFECT + 繼續 Vanicream,通常AMAZON買。


2. Avene 香港官網
咁,屈人寺同萬寧勁貴我梗係唔用,通常去Santediscount法國網購,再加另一國際轉運,泉水直接莎莎藥房之類買都係5、6十蚊枝就唔煩喇,cream果啲可以平一半左右。


3. Boneco放濕機
舊機壞咗,梗係cheap到爆去香港格價網買最平U200,so far放濕功能強勁,令我凌晨三點幾濕到醒,唔好向床噴。;p

4.加埋部DYSON空氣清新風扇,自我感覺良好。

5.然後眼又乾,除咗滴眼藥水、少用MON同電話(邊得吖)朋友推介食ForDays核酸,其實我相信除咗貴,冇咩唔好。咁核酸呢家嘢又係難吸收難運送…你信咪試,我就慳啲搵SUPERFOOD算。
Chlorella綠球藻同Spirulina 螺旋藻
短時間食,OK啩,反正平同感覺有益無害,先推介︰
全部iHerb有售,想要推介CODE就click
綠球藻好臭,但佢先多核酸,螺旋藻完全照常吞冇難度。兩款superfood好處google大量,就唔貼喇。

6.講開保健品,就再加埋CREATINE肌酸啦,都係周圍有兼平冇(乜)副作用而證實有效。(我都有食HMB,覺得老人家食係可以冇咁攰,但比較貴,同睇過啲REVIEW話食肉就得,所以唔推。)


7.坂詰式深蹲減重法,CLICK入去睇簡介
食肌酸做乜,咪又係一個肥婆由生完雞髀已開始想但冇實行嘅keep返正常啲嘅夢想……再係咁真係死得。大謝教我行樓梯,一星期兩三日啦而家,但肥婆點解會肥,除咗嗜甜年紀大新陳代謝率低賴同雞髀睇功課其實掛住玩電話外,主要咪就係怕辛苦囉。目前只有樓梯加每星期一次不能令人減磅的瑜伽…加好間唔中嘅Plank。

深蹲應該聽過好耐,但每日3分鐘運動真係最爽嘅方法,感覺上如果咁都做唔到,我真係死咗佢好過。^^

不過,魔鬼都在細節…其實人哋講明你要先節食,同時做呢啲維持甚至增加肌肉。

舊嘢一推:
8.Tanita體脂肪磅
是咁的,大學時期屈同學送嘅生日禮物到今日都仲WORK,真係無話可說,而家多咗牌子多咗分唇,總之要持續每日同時間上磅同埋keep 返record啫,有做果排係會瘦…新機肯畀錢的話,會bluetooth同你keep 埋record落電話添。睇吓個舊磅有冇機會壞啦。(我見fat %成日3尾4頭經常懷疑佢壞……)

9.仲有一大堆計卡路里營養嘅APP例如MyNetDiary
坂詰上面本書有講,通常會肥嘅人都係以為自己冇乜食嘢,冇乜記性同節制力嘅,肯keep又係邁向成功一大步喇。

咁多聖誕禮物選擇,我真係唔話得,哈。:)

臥薪嘗膽 · 雜記 · 電影 · 歷史

評《決戰中途島》

201910221158557151_46114 (1)

荷里活已經好久沒有拍過二戰片,有的也只是陸軍為主,因為容易聚焦主角,空軍次之,海軍則絕無僅有。對上一套海戰片(嚴格來說是空戰),是2001年的《珍珠港》,但因為劇情太過情情塔塔,不夠剛陽味,以致票房失收,劣評如潮。

戰艦迷苦等十幾年,終於等到《珍珠港》的「續集」《中途島》上映(翻拍七十年代的同名作),可以過足戲癮,不料望穿秋水,還是失望而回。

何以說中途島是珍珠港的「續集」?稍為補充一點歷史背景。當年日軍偷襲珍珠港,是要重創太平洋艦隊,嚇窒美軍,迫其和談,以收速戰速決之效。但進攻當日,原本駐守珍珠港的三艘航空母艦「剛巧」出巡,避過一劫。需知二戰時航母已成海戰的主角,沒有把美軍的航空幹掉,偷襲難言大勝。加上其後美國報服,用航母派陸軍轟炸機空襲日本本土,令後者斷定美軍航母一日不滅,大東亞共榮圈絕難實現,故才有中途島一役之發生。地理上,中途島在日本及美國西岸中間,也是珍珠港的前哨,日軍打算佯攻該島,引誘美軍航母出動決一死戰。

中途島戰役的勝負,扭轉了太平洋戰爭的局勢。電影如何交代?導演具細無遺,由珍珠港受襲開始,然後美軍還拖,先是空襲馬紹爾群島,繼而杜立德突襲,兩軍再上演中途島前哨戰,即珊瑚海海戰,一場接一場,已經花了電影接近一半的時間,然後入正題,講美軍如何破解密碼、尼米茲走馬上任、Halsey因病避戰,中間加插男主角(轟炸機機師)和老婆的插科打諢,令餘下的一半又沒了一半,是為電影最大的敗筆。

5ffd412d146f742

不是說前因不重要,但從劇情舖排來說,則可省則省,或以文字交代(最old school的手法,是拍攝報館印刷廠的機器高速運作,再以分鏡打出報章的頭條交代局勢)。敢問導演,既然Halsey因病避戰,為何還要留那麼多戲份給他?觀眾對Halsey的戲份有何感想?不就是一個成日「r痕」的老粗嗎?對劇情舖排有甚麼幫助?完全不提也無礙觀賞呀!至於男主角和老婆的所謂「感情戲」,更加無聊透頂!相信導演是吸取了《珍珠港》及舊版《中途島》的失敗教訓,把「感情戲」縮到最少,但又擔心完全省略會令主角失焦,變成一套沒有主角的電影(這也是海戰片遠較陸戰和空戰片為少的原因),結果兩頭唔到岸,既浪費了電影有限的篇幅,又無法塑造主角的立體感和吸引力。

有得必有失。當你一味講無關痛癢的事,重要的事就無法暢所欲言,其中之一是日軍的部署。中途島一戰之敗,不在於美軍的情報(得以及早部署,設伏待之),而在於日軍的失策。明明日軍佔盡優勢,不論戰艦數目、武器質素、機師水平等,均遠遠在美軍之上,就算美軍得悉日軍來犯,也無法有效抵擋,更遑論取勝。但日軍為了擾敵,兵分五路,由南到北,延綿數百海哩,而主力艦隊(以大和號為首的戰列艦)竟然刻意和負責突擊的航母艦隊保持距離,原因不明,一說是怕美軍見彼此實力太懸殊而避戰,另一說是深受巨艦大炮主義影響的日軍太重視戰列艦,擔心萬一有甚麼損傷會愧對天皇,打算待航母(機動部隊)戰勝後,再由主力艦隊補上幾炮拿尾彩。後果是,當日軍航母被美軍連番空襲時,戰列艦無法以密集的防空炮火為其掩護。

1000

換言之,與其說美軍英明是戰勝的主因,不如說日軍愚蠢是戰敗的關鍵。但導演只講美軍成功破解日軍密碼,卻對日軍失策隻字不提,不懂歷史的觀眾看畢全片,也只會對該戰一知半解。

當然,電影跟紀錄片是兩回事,不一定要詳細交代勝負的來龍去脈,但明明有些事情若能講清講楚,能增加觀眾的投入感,何樂而不為呢?這不是觀點與角度的問題,而是明眼人一看就知。情形一如功夫片,以前較著重拜師學藝,從中介紹各門派的招式要訣,最後才打大佬。但今日的功夫片一來就砌(床上或擂台上),你看《葉問》,除了那句「入佢中路」,還有甚麼?何解詠春可以打贏空手道西洋拳?不是格食格,純粹因為宇宙最強甄子丹!這樣的功夫片有甚麼好看?

另一個問題。此戰雖以日軍慘敗作結,過程中卻是互有攻守,但電影只見美軍不斷空襲,日軍航母相繼中彈,而美軍的約克鎮號被日軍擊沉,只是輕輕帶過。就像一場足球比賽,只看精彩的入球片段,便會錯過了之前是如何轉守為攻。而飾演飛龍號艦長山口多聞少將的淺野忠信,表情呆滯兩眼無神,完全無法演活足智多謀行動果斷的山口少將。

至於特技。此片不乏大場面,由珍珠港一直炸到中途島,純講官能刺激,是交足貨了。但細心一看,部份特技場面略嫌粗糙,不夠逼真,可能是預算問題,此片資金只有一億美元,不算少,但肯定談不上大製作(相比《復仇者聯盟終局之戰》的三億五千萬美元製作費),而CG每個鏡頭都係燒銀紙,導演只能避重就輕,有些情節落重本,另一些就偷工減料。全片最扣人心弦是美軍轟炸機迎著密密麻麻的防空炮火俯衝投彈,真夠刺激!順帶一提,電影也有一些穿崩位,例如戲中出現的鸚鵡螺號,字幕竟說是核動力!?如果中途島(1942年)已經有核動力,那麼美軍就不用等到1945年才投原子彈吧?那個不懂歷史的翻譯應該是搞錯了於1954年服役的第六代鸚鵡螺號、全球第一艘核動力潛艇吧!

1000 (1)

還有,網上出現一張截圖,指日本艦隊竟然同時出現五艘大和級戰列艦!現實上只有兩艘,而第二艘武藏號在中途島戰役爆發時還未服役!我沒有留意這一幕,待日後出碟買回家重看時再留意。

1573283911-1b7ed011d3ab2646b61ad05c57b07e67

如果我是導演,會怎樣拍呢?我會花大量篇幅解釋日軍的部署,再重現聯合艦隊傾巢而出的盛況,先是機動部隊的四艘精銳航母,然後是主力艦隊的雄姿,配合上空列隊飛過的護航戰機,「艋艟八百、海鷲三千」,營造決戰時刻、黑雲壓城城欲摧的張力。舊時的套路不就是這樣嗎?先講背景,繼而部署,營造張力,最後開戰,氣氛一層一層遞進,觀眾才會投入。這是old school的做法,老土,但work!

所以你明白,《虎!虎!虎!》能夠成為經典,是有原因的。